Wednesday, December 31, 2014

නූතන වහල් භාවය හෙවත් මෑන්පවර් ප්‍රෝඩාව





වහල් සේවය ගැන ඔබ දැනුවත්ද? කකුල් දෙකට දම්වැල් දමා කසපහර දී වැඩගත් වහල් සංස්කෘතිය දැන් අභාවයට ගොස් ඇත...ගෙවී යන ගිගාබයිට් යුගයේ වහල් සේවයට අලුත් නමක් ලැබී ඇත..ඒ මෑන්පවර් යන නමයි...

පසුගිය දින වල ඔබ ඇසු විරෝධතා වලින් තම ඉල්ලීම් ඉටු කරගැනීමට හැකිවුයේ විදුලිබල මණ්ඩල සේවකයන්ට පමණි..ටෙලිකොම් මෑන්පවර් සේවකයන් මෙය ලියන අවස්ථාවේදීත් විරෝධතාවයකය..




ඔබේ නිව‍සට පැමිණ ඔබේ ස්ථාවර දුරකතනයේ,ඔබේ අන්තර්ජාල සබදතාවයේ දෝෂ නිරාකරනය අය, පාරේ වලවල් වල බැස, කණුවල නැගගෙන නඩත්තු කටයුතු කරන අය මෙන්ම ඔබ අප දැක නැති, අසා නැති තිරය පිටුපස සිට සේවය සපයන මිනිසුන් රාශියකගේ මහන්සියේ ප්‍රතිඵලයක් ලෙස අද ඔබ නිවසේ සිට සැප පහසුවට අන්තර්ජාලය පරිහරණය කරයි..

ශ්‍රි ලංකා ටෙලිකොම් යනු දිවයිනේ ප්‍රධානතම සංනිවේදන ජාලය වේ. Voice,ADSL,Peotv ලෙස ඔබ අත්විදින සේවා රැසක් ඔබට ලැබෙන්නේ ඔවුන්ගේ ශ්‍රමය නිසා මිස ටයි දමා ලොකු පුටුවලට වී කැරකී කරකී සිට ලක්ෂ 20-30 බෝනස් ගන්නා අයගේ මහන්තත්ත බවෙන් නොවේ..

ටෙලිකොම් මෑන්පවර් ප්‍රෝඩාව අතිශ්‍ය අමානුෂිකය..ටෙලිකොම් ස්ථීර සේවකයෙකු ලබාගන්නා වැටුපට වඩා අඩු වැටුපක් ලබන මෑන්පවර් සේවකයා කරන රාජකාරියේ අඩුවක් කරන්නේ නැත...ඊට අමතරව තවත් දීමනා රැසක් මෑන් පවර් සේවකයාට අහිමිය..ඒවායින් නිකම් සිට වාසි ලබන්නේ අහසේ සිටින අයයි...මෑන්පවර් සේවකයාගේ අසරණ භාවය ගැන කදිම නිදසුනක් වන්නේ ඔහුට ණය මුදලක් පවා ලබා ගත නොහැකි කමයි..ස්ථීර පදනමක් නොවන රැකියාවේ සුරක්ෂිත භාවය කතා කිරීමට වචන නාස්ති කල යුතු නැත..

දේශපාලනයට, බලයට, මුදලට උපවාස කරන රටක තම දු දරුවන්ට සවිමත් හෙටක් උදෙසා පාරට බැස ඇති මෑන්පවර් සේවකයෝ දැන් අඛණ්ඩව දින තුනක් පුරාවම විරෝධතාවයක නියැලී සිටියි..29 දින සවස් වරුවේ පාගමනින් පසු‍ මේ මොහොත වන විටත් ඔවුන් ටෙලිකොම් මූලස්ථානය ඉදිරි පිටට වී තම අයිතීන් උදෙසා හඩ නගයි..ඔවුන් ඉල්ලන්නේ රටෙන් අඩක් නොව රැකියවේ ස්ථිර භාවය පමණි..තෘෂ්ණාවෙන් අන්ධ වී ඇති පාලනාධිකාරියෙන් සොරා ගන්නා ලද අයිතීන් වෙනුවෙන් ඔවුන් ඊයෙත් පාරේය.අදත් පාරේය..අලුත් අවුරුද්දෙත් එය එසේම වනු ඇත..







මෙය ලියන ලේඛකයා මෑන්පවර් සේවකයෙකු නොවනමුත් ඔවුන් සමග එකට එක බත්පතේ කෑ අයෙකු වෙමි.එබැවින් මෙය ද්වේෂ සහගත අරමුණේන් ලියන ලද්දක් නොව සහෝදර මිනිස් කැලකට සිදුවන අසාධාරණයට එරෙහිව මුදල් බලයෙන් වසන් කරන තිත්ත ඇත්ත රචනය කරන ලද්දක් පමණක් වේ...

හෘද සාක්ෂියක් සහිත මිනිසුන් තවමත් වෙසෙන රටක මොවුන්ට තවදුරටත් පාරේ දුක්විදීමට ඉඩ නොතබා ඉල්ලීම් ඉටු වේවායි ලේඛකයා ඉත සිතින් ප්‍රාර්ථනය කරයි..

                ටෙලිකොම් මෑන්පවර් වහල් සේවයට එරෙහිව ගෙන යන                                                        සටනට ජය වේවා!!



Thursday, December 18, 2014

සංගා ඔබට ස්තූතියි!




පෙරේදා(16) ලංකා ක්‍රිකට් ඉතිහා‍සයේ පතාක යෝධයෝ දෙදෙනෙක් සමුගත්තේය..
ඒ සංගා මහේල ලංකාවේ සෙල්ලම් කරපු අන්තිම මැච් එකෙනි..



රූපේ ක්‍රිකට් මැච් බලන් කාලේ වෙද්දි සනා හිටියේ බහින දසාවේය..සනා ගහනවාට වඩා LBW වලින් අවුට් වුනේය..

සනා අවුට් වුනොත් මැච් එක ඉවරයි කියලා තිබ්බ මතය වෙනස් කලේ මහේලලා සංගලා..සනා නැතුවට අපිට වර්ල්ඩ් කප්  දිනන්ඩ පුලුවන් කියලා පෙන්නුවේ සංගා..ඒ T20 වර්ල්ඩ් කප් එක ගහලා...

මහේලත් හොදට සෙල්ලම් කලත් රූපේ හැමදාම චියර් කලේ සංගාට..ඒ සංගා මුළු ටීම් එකත් එකක්ම සෙල්ලම් කරපු නිසා...

ක්‍රිකට් වලින් පස්සේ සංගා ගෙදරට වෙලා හිටියම ඇතිය..සංගා මහේල වැනි ක්‍රිඩකයෝ කවදාවත් දේශපාලනය කර නම්බුව නැති කර ගත යුතු නැත...අන්තිම මැච් එක බලන්ඩ ග්‍රවුන්ඩ් එක පිරෙන්ඩ සෙනග ආවේ බත් පැකට් එකකටවත් බෝතලයකටවත් නොව හිතේ තියෙන ගෞරවයටයි..සනා වගේ ඒක නැතිකරගත යුතු නැත..

විකට් එක පිටිපස්සේ ඉදලා කෑගහලා ටීම් එක මොරාල් කරන සංගා හැමදාම ගැහුවේ සුපිරි කවර් ඩ්‍රයිව් එකක්..සංගා මහේල එකතු වෙලා අන්තිම විකට් එක අරන් මැච් එකට සුපිරි එන්ඩින් එකක් දුන්නේය..වැඩ්ඩෝ එහෙමය..

















Photo Credits-Lakmal Perera




Test,ODI,T20 මැච් වල ලකුණු වැඩියෙන් ගහලා වාර්ථා තිබ්බ සංගා ලංකාවට මාර නමක් අරන් දුන්නා.. මේ පාර වර්ල්ඩ් කප් එකත් අරගෙනම ගෙදර එන්ඩ අපි සංගාට සුබ පතනවා..



 සංගා ඔබට ස්තූතියි!

Monday, December 8, 2014

අයිතිය අමතක වෙන්ට....




   ගලක් වුනත් රිදෙනවා
   මගේ හිතත්
   අයිතියක් නැති 
   පිරිසිදු ඊරිසියාවට...
  
   දකින්න ඇහෙන්න
   හැමදාක ලග හිටින්
   දුකත් නැතිවෙයි
   අයිතිය අමතක වෙන්ට....
  
   ඉද හිට දවසක 
   බැනලා යන්ඩ
   වෙනදා වගේම නිකන්
   මතක් වෙවි මට....
   
   එකින් එක පාවෙන
   දවස ආවම 
   අරන් යන්න හිතත්
   හොරා ගත්ත ඈතකට...