Wednesday, June 14, 2017

අතින් අල්ලන්ඩ බැරි උණු උණු ගොසිප් සයිට්!!

ගොසිප් එහෙම නැත්නම් ඕපාදූප, හැමෝම අහන හැමෝම කියන ජාතියක්...ඒත් සල්ලි වලට ඕපාදූප කියනවද? ඔව්... ඔබ, අපි කියවන ගොසිප් සයිට් හැම එකක් ම කරන්නේ සල්ලි වලට ඕපාදූප පතුරන එක.. මොකක්හරි කුනු ගොඩක් අවුස්සලා.. හිත ඇදීලා යන විදියට හෙඩිමක් දාලා හිට් කරලා ගන්ඩ මෙයාලා මාර දක්ෂයි. හරිම ඉක්මන්. වෙච්චි ගමන් දානවා...විස්තරත් හොයාගන්නවා. එහෙම වෙන්නේ කොහොමද?
ඒක තමා සල්ලි බලේ.. එහෙම නැත්තම් ජනතාවගේ බලේ... ගොසිප් කියවන තරමට ආදායම වැඩියි... 

ලංකාවේ ගොසිප් සයිට් කීයක් ඇතිද? 100ට කිට්ටු වෙන්ඩ ඇති..ප්‍රධාන නිව්ස් චැනල් වල තියෙන ගොසිප් සයිට් ම 10කට කිට්ටුවෙන්ඩ තියෙනවා..ඒ, නිව්ස් සයිට් එකේම කෑල්ලක් වගේ..
ඒත් ඒක පරමාර්ථේ වෙනස්... ටාගට් කරන්නේ වෙනම ඔඩියන්ස් එකක්...

මේ කියන්නේ ප්‍රසිද්ධ නිව්ස් චැනල් වල ගොසිප් සයිට් ගැන ⁣නම් නෙවෙයි.. ඊට වඩා වෙනස් කල්චර් එකක් තියෙන වගකීමක් රහිත ගොසිප් සයිට් ගැන... බොහෝවිට තනි පුද්ගලයෙක් මගින් හැසිර වෙන ගොසිප් සයිට් ගැන... නිව්ස් චැනල් වල ගොසිප් සයිට් වලින් මේවා තරමක් දුරට වෙනස්... නිව්ස් චැනල් වලට තියෙන වගකීම, නිතී ප්‍රශ්න, ආචාරධර්ම කිසිම දෙයක් නැති ගොසිප් සයිට්, නීතියට අවනත වෙන්නෙත් නෑ..

ගොසිප් සයිට් එකක් පටන් ගන්නේ කොහොමද... ඒක ලොකු වැඩක් වෙන්ඩ ඕනේ... වෙබ් සයිට් එකක් ⁣ඕනේ.. නිව්ස් ඕනේ.. කරන්ඩ අය ඕනේ.  නීති උපදෙස් ඕනේ... මේ වගේ නොයෙක් ජාති ඕනේ... ඒ හරි පාරෙන්... එහෙම යන්නේ නැත්තම්... ලොකු දෙයක් ඕනේ නෑ.. බ්ලොග් එකක් අටෝගෙන.. ඒකට ඩොමෙන් එකක් අරන් දැම්ම ම ලොකුම ප්‍රශ්න ඉවරයි... ටිකක් උනන්දුව තියේ නම්... ගොසිප් ටෙම්ලේට් දාලා...SEO පාරක් දාලා.. සර්ච් ලිස්ට් වල උඩට අරන් ගේමක් දෙතැකී.... ඊට පස්සේ තම තමන්ගේ හැකියාව අනුව එක එක ගැජට් කෑලි දාලා ලස්සනට හදාගත්තම හරි...

ඊලගට මේකට ඕනේ නිව්ස්... සමාන්‍යයෙන් නිව්ස් චැනල් වලට, ප්‍රවෘත්ති සපයන ප්‍රාදේ්ශිය වාර්ථාකාරයෝ සහ මුදලට නිව්ස් සපයන්නන් විසින් තමා ගොසිප් දෙන්නේ... ඒ දෙන්නේ ඒවා තහවුරු කරන්ඩ අදාලා සාක්ෂි සහ ඡායාරූප එක්ක.... ඉන්පස්සේ ඒකට අදාලා ගෙවීමත් එක්ක ඒ නිව්ස් එක එම ආයතනය සතු වෙනවා... ඊට පස්සේ ඒවා තේරීම් වලට ලක් කරලා... වටිනාකම,ගුණාත්මකබාවය, නිරවද්‍යයතාවය වගේ ගතිගුණ වලට අනුව එම නිව්ස් එක පලවෙනවා.....ඊළගට නිව්ස් එකට ආදාල ෆොටෝ...ඒවා ගන්නෙත් සල්ලි දීලා... ඡායාරූප ශිල්පීයාට මුදල් ගෙවලා... ඒ ඡායාරූප වල අයිතිය අරන් තමයි ඒවා පලකරන්නේ....
එතකොට ගොසිප් සයිට් වලට මෙහෙම තොරතුරු දෙන අය ඉන්නවද? ඔව්... ඒ මාධ්‍යවේදීන් නෙවෙයි... ගොසිප් සයිට් එකට නිතර යන එන.. ගොසිප් සයිට් එකේ ඇඩ්මින් ව අදුනන අය තමා එහෙම දෙන්නේ.... එහෙම වෙන්නේ ගොසිප් සයිට් ඇත්තටම ව්‍යාපාරයක් නොවෙන නිසා... එහෙම දෙයක් පවතින්නේ නෑ.. නිකන් සයිබර් අවකාසේ තියෙන තවත් එක සයිට් එකක් විතරක් නිසා...

ගොසිප් සයිට් වල නිව්ස් තමා එකේ ප්‍රධාන ම දේ... එක හොයාගන්නේ වෙන ගොසිප් සයිට් වලින්...  නිව්ස් චැනල් වලින් පත්තර වලින්.... ගෙඩි පිටින් උස්සන්නේ... ⁣⁣නිව්ස් එකයි ෆොටෝ ටිකයි විතරක් නෙවෙයි, හෙඩිමත් උස්සනවා... මේ නිව්ස් අස්සේ එක එක ලින්ක් තියෙනවා... ඒවා අයින් කරන්ඩ නොට්පෑඩ් එකට  දාලා තමන්ගේ සයිට් එකට දානවා.. සමහර ගොසිප් සයිට් තමන්ගේ සයිට් එකෙන් කොපි කරගන්ඩ දෙන්නේ නෑ... ඒත් ඒවා මෙයාලට සුළුවැඩ... නිව්ස් කොපි කර කර දාන්ඩ වෙනම අය ඉන්නවා.. සමහරු තමන්ගේ හැකියාවේ විදියට හෙඩිමයි නිව්ස් එකයි පොඩ්ඩක් ⁣එහෙට මෙහෙට කරනවා...  ඒත් ගොඩක් වෙලාවට ඔක්කෝම එකයි.. අනික් වැඩේ තමා... සතිඅන්තේ පත්තර වල එනවා පොඩි පත්තරයක්... ලංකාවේ ඉන්න ප්‍රසිද්ධ මිනිස්සුන්ගේ ඕපාදුප විතරක් ම තියෙන කෑල්ලක්... ගොඩක් අය ඉස්සෙල්ලම බලන්නේ ඒක... ගොසිප් සයිට් වලට මේවා හොද ඉල්ලම්.. මේවා අරන් ටයිප් කරලා දානවා.. ගූගල් කරලා ෆෝටෝ එකකුත් දානවා.. දැන් ඒක ඔරිජිනල් ඉන්ටර්වීව් එකක්..  හිත අැදිලා යන හෙඩිමක් දැම්මම කට්ටිය පෝලීමේ එනවා... ⁣නිව්ස් චැනල් වලින් කොපි කරන එක හැමදාම කරනවා... සමහරු බ්ලොග් වලිනුත් කොපි කරනවා... පොත් වලින් කොපි කරනවා... (විහිළු කතා පොතක් අරන් ඒකේ තියෙන ඒවා දව⁣ස ගානේ දාන සයිට් තියෙනවා). මේකේ තියෙන නරක ම දේ තමා... මෙයාලට සීමාවක් නෑ.. දේශපාලනික ඕනේ දෙයක් දාන්ඩ පුළුවන්... තමන්ගේ පැත්තට වාසි වෙන විදියට නිව්ස් දාන්ඩ පුළුවන්... වැරදි වුනත් අවුලක් නෑ.. 

මෙච්චර දේවල් කරන ගොසිප් සයිට් එකක වැඩ කරන්ඩ ඉන්නේ දෙතුන් දෙනයි.... ගොඩක් වෙලාවට එක්කෙනයි... සයිට් එක ලොකු වෙන්ඩ වෙන්ඩ තව අය ඕනේ වෙනවා... නිව්ස් හොය හොය දාන්ඩ අය වෙන ම ඉන්නවා... මාකර්ටින් කරන්ඩ වෙන ම ඉන්නවා... ෆේස්බුක් එකේ ෆේක් එකවුන්ටින් වලින් එක එක පෝස්ට් ශෙයාර් කරන අය දැකලා තියේනවා නේද.. එයාලා ගෘෘප් හොයාගෙන ගිහින් ශෙයාර් කරනවා... ගොඩක් වෙලාවට ෆේස්බුක් තමා මාකටින් මෙතඩ් එක... එහෙම නැත්තම් වෙන ගොසිප් සයිට් වල දානවා..

මේවා ඔක්කෝම කරලා නැහෙන්නේ සල්ලි හොයන්ඩ...නිව්ස් චැනල් එකකින් සල්ලි එන්නේ කොහොමද... සරලයි... බ්ලොග් වල වගේ තමා...
ඇඩ් සෙන්ස් දානවා... විසිට් 10000ට $1ක්හමුබුවෙනවා... සාමාන්‍ය ගොසිප් සයිට් එකක පොස්ට් එකක වීව්ස් 7000 ට වැඩියි... දවසට පොස්ට් 5-6ක් දානවා... මීට අමතර ව වෙන ම ඇඩ් දාන්ඩත් දෙනවා... ඒවා 5000 ඉදලා උඩට තියෙන්නේ...
ඉතින් මේ වැඩේ පට්ට ලාබයි... වියදම් වෙන්නේ ඩේටා විතරයි... හරියට කරගත්තෝත් පරම්පරාව ම ගොඩ... ප්‍රෝමෝට් කර කර කැම්පේන් කර කර වීව්ස් වැඩි කරගන්නවා...  වීව්ස් වැඩි වෙන තරමට ආදායම හොදයි...


සරලව ම කිව්වොත් ගොසිප් සයිට් වල නිව්ස් ශුවර් කරන්ඩ බෑ.... ඒවා ඇත්ත ඒවද කවදා වෙචචි ඒවද කියන්ඩ දන්නේ නෑ.... උදාහරණයක් කියන්නම්... මාසෙකට කලින් ගොසිප් සයිට් වල ගියා... "ජෝන් සීනා මියයයි" කියලා... කට්ටිය හෝ ගාලා බැලුවා...  ජොන් සීනා ඇක්සිඩෙන්ට් වෙලා කියලා තමා විස්තරේ තිබ්බේ .. මේක හෙන පරන සීන් එකක් ... සැරෙන් සැරේ මතු වෙනවා... හැප්පිච්ච කාර් එකක ෆොටෝ දානවා.. රෙස්ලින් ක්‍රීඩකයෝ පෙට්ටියක් උස්සන් යන ෆෝටෝ එකක් තියෙනවා... ඒ  එඩී ගුරේ⁣රු ගේ මලගෙදර ෆොටෝස්...දන්න තරමින් එක වෙලා අවුරුදුු 10ක් විතර.. 
අන්න එහෙමයි ගොසිප් සයිට් හම්බුකරන් කන්නේ....

Saturday, June 3, 2017

ටිවී සිරීස් බලනවා කියන්නේ කුඩු ගහනවා වගේ වැඩක්!!!





බ්ලොග් එක පැත්තේ ආවේ අවුරුද්දකින් විතර.. බ්ලොග් කියවන එකත් ලියන එකත් එක්ක ම නැවතුනා.. හිතලා බැලුවොත් බ්ලොග් විතරක් නෙවෙයි, හැමදේම කියවන එක සම්පූර්ණයෙන් ම නැවතුනා.. පිස්සෙක් වගේ පිස්සෙක් වගේ කියෙව්වේ නැතත් කියවන එක පුරුද්දක් වෙලා තිබුනා...අඩුම ගානේ සතියක‍‍ට එකක්වත් කියෙව්වා...ඒත් ඒක අතැරිලා ගියා...


‍කියවන එක කොච්චර වැදගත්ද කියලා පාඩම් කරන්ඩ ගන්නකම් තේරුනේ නෑ...ඉස්සර පැය ගනන් වාඩිවෙලා පොත් කියවපු මට, පොතක් අතට අරන් පිටු 2ක් කියවන කොට නිදිමත එන්ඩ ගත්තා...මාර කම්මැලිකමක් එන්ඩ ගත්තා... ඒ එක පැත්තක්....

Imagination එක ගැන මොනවද දන්නේ? අපි අපේ ම සිතිවිලි වලින් හදාගන්න දේවල් වලට අපි එහෙම කියනවා...අපේ කල්පනා ශක්තියෙන් අපි කරන්නේ දවල් හීන දකින එක විතරද? නෑ සෑහෙන්ඩ දේවල් කරනවා...  අපිට කවුරුහරි පාරක් කිව්වම අපි ඒක හිතේ ඇදගන්නවා, කාවහරි විස්තර කලාම අපි ඒක මවාගන්නවා... මෙහෙම කොන්ඩයක්,මෙහෙම නහයක් වගේ... කෑමක් කිව්වම ඒක හිතාගන්නවා... මේවා ඔක්කෝම පරිකල්පන ශක්තියෙන් කරන්නේ... 

එතකොට පරිකල්පන ශක්තිය වැඩිවෙන්නේ හිතෙන් මවා ගන්න තරමට... පොත් කියවන එක පරිකල්පන ශක්තියට සම්බන්ධ වෙන්නේ කොහොමද? ඒක සරලයි! පොතේ කතාවල් අපි මවා ගන්නවා..හැමදේම..මිනිස්සු, ඉන්න තැන්, කරන කියන දේවල්.... ඒවා හිතේ ඇදගත්තේ අපේ සිතිවිලි අනුව.......අපි කැමති විදියට...
පොඩි කාලේ කියවන කොට කොච්චර ලස්සනට මවාගත්තද කොච්චර විකාර දේවල් ඒකේ තිබ්බද ඒ ක්‍රීයෙටිව් ගතිය දැන් නෑ...

ගොඩක් ම ‍පොත් කියවන එක අඩුකම... කියවන කොට අපි ඒක මවා ගන්නවා... වෙලාව නැතකම කියන හේතුව විතරම ද ඒකට තියෙන්නේ?



ජොබ් එකද? පොත් ගන්ඩ සල්ලිනැතිකමද? පුස්තකාලෙට යන්ඩ බැරි එකද?
නෑ.....ඊට වඩා බයානක හේතුවක් තියෙනවා...

ටිවී සිරීස් සහ ෆිල්ම්ස්....

ඒක විකාරයක්.....ඒ ඔබේ පලවෙනි සිතිවිල්ල.... ෆිල්ම් එකක අපිට කරන්ඩ තියෙන්නේ මොනවද? මුකුත් නෑ... බලාගෙන ඉන්ඩ විතරයි... මවන්ඩ දෙයක් නෑ.. හිතන්ඩ දෙයක් නෑ... වෙන දේ බලාගෙන ඉන්ඩ විතරයි.... ඊලගට ටීවී සිරීස්... මනුස්සයෙක්ද ඇබ්බැහි වෙන්ඩ පුළුවන් නරකම දේවල් වලින් එකක් වෙන්ඩ ඕනේ... ඒක නරකයි කියලා කවුරුත් හිතන්නේ නැති කම නිසාම බයානකයි... ටිවී සිරීස් ටෙලි නාට්‍ය වලට වඩා රසවත්...උද්වේගකරයි... ඒවා හදන්නේ හැමකෙනෙක්‍ට ම බලන්ඩ...මහ විසාල මුදල් කන්දරාවක් වියදම් කරලා හදන ඒවාගේ කොලිටිය ඉස්තරම්..... ඒවා ෆිල්ම් වගේ ඉවර වෙන්නේ නෑ.. බලන්ඩ බලන්ඩ ආසයි...එකක් ඉවර වෙනකොට තව එකක් එනවා...

මෙවායේ අපිට හිතන්ඩ දෙයක් නෑ... බලන් ඉන්න එක විතරයි....ඔක්කෝම මවලා හදලා තියෙන්නේ... අපි ඉන්නේ ඒ සීමාවේ...එතනින් එහාට යමක් නෑ...

රූපේ සතියක‍ට එකිනෙක‍ට වෙනස් ටිවීසිරීස් 22ක් බැලුවා... දල වශයෙන් දවසකට 3ක්... ඒ ඉවර නොවුන ඒවා.... ඉවර වෙච්චි ඒවා නම් දවසකට සීසන් එකක්වත් අඩුම...

එකෙන් අන්තිමට ලැබුන දෙයක් නෑ... පොතක් අල්ලනකොට නිදිමතක් එන්ඩ ගත්තා... හිතාගන්ඩ බැරිවෙලාම ගියා... අලුත් අදහස් හේදිලාම ගියා... කොටින් ම බ්ලෝග් එකට ලියාගන්ඩවත් අයිඩියාවක් නැතුව ගියා...
ටිවී සිරීස් බලන එක සම්පූර්ණයෙන් නවත්තලා දාලා සති 2න් පොතක් කියවන්ඩ පුළුවන් වුනා...ඒකත් අමාරුවෙන්... සල්ලි තියෙන තියෙන විදියට පොත් ගන්ඩ පටන් ගත්ත... ටික ටික ආයේ කියවන්ඩ ගත්තම මාර සැහැල්ලුවක් තියෙනවා... පාඩම් වුනත් කරහැකි... පොත උඩ ඇහැරෙන්නේ නැතුව නෝට් එකක් ලිව්වැකි...

100%ක් නවත්තලා සමාජෙන් කොන් වෙන්ඩ තරම් අයිඩියා එකක් තාම නෑ... අලුතින් එන ෆිල්ම් එකක් හොද කොපියක් ආව ම බලනවා...එච්චරයි... ඒක වෙනසක්... දැනෙන වෙනසක්!





ටිවී සිරීස් එකක් වෙනුවට පොතක් බලමු!!