Thursday, December 31, 2015

2015 න් 2016ට අරන් යන්ඩ සිංදු ටිකක්......




මේ දවස්වල ගෙදර හින්දා ඉතුරු වෙච්ච ඩේටා ටිකෙන් අන්තර්ජංජාලේ වටේ කැරකී කැරකී හිටියා....අහන්ඩ සිංදු හොය හොය ඉන්නකොට තමා මේක මතක් වුනේ...


පැයක් විතර ඒකම අහ අහ ඉදලා ක්‍රිශාන්තගේ අනික් ඒවත් අහන්ඩ පටන්ගත්තා....සෙට් වෙන්නේ නැති සිංදු එකක් වත් ක්‍රිශාන්තගේ නෑ....ප්‍රේම ගීත විරහ ගීත අතරට මව්ගුණ ගීත් තියෙනවා.....රූපේ ක්‍රිශාන්ත ගැන මුකුත් ම දන්නේ නෑ...දැනන් හිටියේ "වී පැදුරෙන්" සිංදුව කියන ගායකයා විදියට විතරයි...ඒත් සිංදු ටික ඇහුවම තේරෙනවා මාර වෙනස් කෙනෙක් කියලා...අලුත් සිංදු අතරේ හිට් වෙන්නේ නෑ කියලා දැන දැන ම මේ වගේ සිංදු කරන එක මාර වැඩක්....ක්‍රිශාන්තට සිංදු ලියන්නේ කවුද කියන්ඩ දන්නේ නෑ...ඒත් සමහර සිංදු වල වචන නම් සුපිරි........

මම නුඹට ආදරෙයි
නුඹෙ පෙමට ආදරෙයි
මට නැතුවට ඔහුට පුදන 
පෙමට ආදරෙයි...//

ප්‍රේමය මල් උයනක් යැයි සිතා සිටින විට
විස කටු ළය පුරා ඇනී රිදුම් ලබන කොට
දෝර ගලන නුඹෙ සෙනෙහස ඔහු වෙනුවෙන් කැපවන විට
යා යුතු මඟ නිනවු නැතිව තේරුම් නෑ මට

මම නුඹට ආදරෙයි....

ප්‍රේමය මද පවනක් යැයි සිතා සිටින විට
සුළි සුළඟක් වී ගත සිත තලා දමන කොට
මුතු කුඩයකි ඔබෙ සෙනෙහස සදා නිවන ඔහු සරතැස
වෛර කරන්නේ කෙළෙසද අන්සතු පෙමකට...

මම නුඹට ආදරෙයි....


********************************

මන්දාරම් අඳුර මැදින්
හිරිපොද වැහි වැටෙන වෙලේ
මා හා ඇවිදන් යන්නට
ඔබ සිටියානම්...//

තනියමව​ත් යන්නට මදි
කුඩේ යටින් ඔබේ ලඟින්..//
නොතෙමී තෙමි තෙමි සතුටින්
යන්නට තිබුනා...///

මන්දාරම් අඳුර මැදින්....

මඟ යන එන අයට හොරෙන්

ඔබෙ දෑසට එබී බලා..//
කොපුලේ වැහි බිඳුවක රස
බලන්න තිබුනා...///

මන්දාරම් අඳුර මැදින්....


 *********************************


ඔය ඉතින් රූපේට හිතට ඇල්ලුව විදිය...හැමෝටම ඒක සෙට් වෙන එකක් නෑ....කැමති අයට අහන්ඩ කියලා ක්‍රිශාන්තගේ සිදු සෙට් එකක ලිංකුවත් දාන්නම්..........


*************************************************************


මේ ඊළග එක්කෙනා.....රොහාන් ශාන්ත බුලේගොඩ....මෙයාත් පරණ කෙනෙක්....වැඩිය අහලා නෑ...ඒත් සුපිරි සිංදු... දන්න තරමින් සිංදු ලියන්නේත් මෙයා ම තමා....."නිහඩ අරණ","සදක් නම්"
 වගේ ඒවාට තමා ප්‍රසිද්ධ උනේ....සිංදු ටික දාගත්තම ඕන තරම් වෙලා අහන්ඩ පුළුවන්...ඔලුවට අමාරුවක් නැති සිංදු....අනික ඒවායේ වචන.......කියලා වැඩක් නෑ.... මේක අහලා බලන්ඩ..


කල් බලා ඇවිත් තව්තිසා දෙසින්
ගම්දොරේ මගේ පොඩි විමානයේ
උන් සරා සඳත් අද අගේ නොවෙයි
නුඹ අරා සිටියි දිවි නිශාන්තයේ....
 

උණු දියෙන් තවා ගත ගිමන් නිවා
සුව බොජුන් තනා ළඟ රැඳෙන්නියේ
එන බොහෝ විකල් අන විනෙන් මුදා
සිත් පහන් ගිරේ හිරු මවන්නියේ...
 

නොකරනි පුතුට අකුරු ඇල්මෙනා
හිල්පයේ අරුම පහදවන්නියේ
ගුරු තරුව වගේ දිවි ගමන් තලේ
මරු කපොලු දුරැර මා රකින්නියේ..
.

**************************************************************



එක් පෙති මලක් විය නුඹ මගෙ අත් දෙකට
නෙළා නොගත්තේ මගෙ බෝසත් කම‍ට
හැරගිය දිනේ නාවත් මා ගම්දොරට
ආවේ ඇයිද විරහී සිත අද්දරට...

විස්මිත ගමට අදහන්නට බෑ තවම
මා හැරදමා නුඹ ගිය මග ගැන අරුම
සතු කරගන්න මුල් පෙම නොපිදූ බැවින
දුක්බර හිතට කීවෙමි නොහඩන ලෙසට...

එක් පෙති මලක්....

සිටිනා කොදෙව්වක නුඹ සැප විදීනම්
මවෙතින් ලැබුන ආදරයත් ලැබේනම්
මතකය නුඹට හිරිහැරයක් නොවේනම්
තව කුමකටද දුක් ගී කල්පනාවන්.....//

***************************************************

  
ඔය ටිකක් විතරයි.......රූපේට වඩා රොහාන්ගේ සිංදු අය ඕන තරම් ඇති....සෑහෙන කාලෙකින් අහපු පට්ට සිංදු සෙට් එකක් ගැන කිව්වේ....රූපේට වඩා හොදට මේක ගැන කියන්ඩ පුළුවන් සිංදු ඇනෝට තමා....සිංදුවා මේ දෙන්නා ගැනම පොස්ට් එකක් දායි කියලා හිතමු.... ආයේ 2016 හම්බු වෙනකම් හැමෝටම ජය.......!!!!



Monday, December 28, 2015

ගප්පියෝ....දාපන් පහක්!



ලංකාවේ ඉතිහාසය මාරය...සුපිරි වීර චරිත වලින් පිරිලා ඉතිරිලා ගිය එකක්ය....ඔක්කෝම රජවරු සුපිරි ඩයල් ය...ටිංටිං වගේ අසාධාරණයට විරුද්ධ ව සටන් කරපු එල පොරවලය...එහෙම අයගෙන් පැවත එන අද ඉන්න වුන් ඊට වඩා පට්ටය...කිසිම වැරදි වැඩක් කරන්නේ නැතිය...පන්සිල් පද 5ම රකින සිල්වන්ත ගිහියෝය...එහෙව් රටට වින කටින්ඩ කාලෙන් කාලෙට පරදේශක්කාර බලවේග එනවාය...ඒවාට විරුද්ධ ව සින්හ ලේ කකියනවාය...


සිංහ ලේ ස්ටිකර් එක සිරාය...පට්ට ආර්ට් එකකි...ඒත් එක එච්චරය...පච්ච ගහගෙන කෑගන්ඩ තරම් එකේ ගැම්මක් නැතිය..සිංහ ලේ පච්චේ ගැහුවම ඇගේ ලේ සිංහ ලේ වෙලා කික් එකක් එනවා නම් අවුල ඇත්තේ ඉන්ක් එකේ වෙන්ඩ ඕනේය...ඉන්ක් එකට රෙඩ්බුල් කලවන්ද කියලා හොයල‍ා බලන එක කෙරෙන්ඩ ඕනේ වැඩක්ය...සිංහ ලේ ස්ටිකර් එක ගහගෙන කෑගහන අයියාලා කවදාවත් මුස්ලිම් කඩේකින් රෙදි ගත්තේ නැති...තෝසේ බුරියානි කාපු නැති....අයය...කොටින්ම කිව්වොත් දෙමල ලැයින් පේළිවල ඉන්න මිනිස්සු අමාරුවෙන් කඩන තේ දළු වලින් හදලා එන තේ උගුරක්වත් බීපු නැති අයය....අපේ උන්ගේ ජාති ආලය ඔහොමය....

එන්රික් ඇවිත් ගියේය....පොර සිංදු කියලා ගානක්
හොයගෙන ආතල් එකකුත් අරන් ගියේය...අපේ උන්ට තාම ඒක හිතාගන්ඩ බැරිය...අපේ උන් ෆෙස්බුක් එකේ කෙල්ලෙක්ගෙන් "හායි" කියලා රිප්ලයි එකක් ගන්ඩ මාර දුකක් විදිනකොට අරූට නිකන් ම බ්‍රා එකත් ගලවල‍‍ දුන්නම උහුලන්ඩ පුළුවන්ද ආයිබෝවන්ඩ? ඉතින් ඒ වගේ වැඩ ආයේ නොවෙන්ඩ අපි වග බලාගන්ඩ ඕනේය...නැත්තම් අපේ සංස්කෘතිය විනාසය...

ගප්පියා ලංකාවේ කොල්ලෙක්ය...ඌ පට්ට ටැලන්ට් එකක් තියෙන බුවෙක්ය..ඌට නියම ඒවා හිතෙන්යේ..ඒක ඌගේ හැටිය..ඌ එකපාරක් සෙල්ෆි ගැන ඇදපු කාටුන් එකකට අපේ උන්ට රෙවුනේය...ඒකෙන් බෞද්ධ සංස්කෘතියට හානිවෙනවා කියලා මැරෙන්ඩ හැදුවය...ගප්පියා බ්‍රා එකටත් එකක් ඇදලාය...එක නම් පට්ටය...අපේ සිංහලේ කාරයන්ට එකටත් අවුල්ය...එකෙන් රටේ පරණ සංස්කෘතිය විනාස වෙනවාය කියලා දැන් කෑගහනවාය...ඒවා රටේ සම්පත් නිසා ඒවාට මොකුත් කියන්ඩ බැරිය...බුකී විරයන්ට චාන්ස් එකක් හම්බුවෙන්නේ ඔයවගේ එවට විතරය..කැලෑ කපන වැලි ගොඩ දාන දේශපාළුවන්ට විරුද්ධ ව කවුරුත් කෑගහන්නේ නැතිය...ඒ බයටය...අරකයි මේකය කියලා කෑගැහුවට....කැපුවත් සිංහලේ කියලා කියන උදවිය මාසේ ඇදගන්නේ හෙන ගේමක් ගහලාය...බයික් එකක් ගත්තත් ගන්නේ ෆිනෑන්ස් කරලාය..උදේට ෆුට්බෝඩ් එකේ හරි එල්ලිලා වැඩට යන්නේ කීයක් හරි හොයාගන්ඩය... ඒක නැති උනොත්  ඔය ජාති ආල මුකුත් නැතිය...


බොන්නේ රට බීම...අදින්නේ ඉම්පෝටර්ඩ් ඇදුම්...පදින්නේ ඉන්දියන් බයික්...එලවන්නේ ජපන් වාහන...කතාකරන්නේ කොරියන් ෆොන් එකකින්...උදේට බොන්නේ ඇන්කර් පිටි....ගෑණු සවුදියේ...විප්ලව කරන්නේ ඇමරිකන් බුකියේ...ඒත් ඇගේ දුවන්නේ සිංහ ලේ!!!

Wednesday, December 9, 2015

ගල් බලකායට හොද වැඩේ!!!!




රූපේලාගේ ඔෆිස් එකට එන පට්ට I.T වැඩ්ඩෙක් මේ දවස්වල ඉන්නේ අම්බානක හිතේ අමාරුවෙන්..ඒ වෙන මොකේකටවත් නෙවේ...යමපාලන ආණ්ඩුවෙන් අරක්කු ගනන් ගිය එකට....

අයියා මොකෝ සීන් එක? නිකන් අවුලෙන් වගේ....

අවුල් නැද්ද බන්...මේ හු...බියර් වලත් ගනන් වැඩි කරලානේ? පොඩි කික් එහෙකට බියර් එකක්වත් ගහන්නේ කොහොමද කියහන්කෝ?? ගලක් ගහන්ඩක් දැන් ‍තුන්දෙනෙක්වත් ඕනේ....

අයියලාගේ ආණ්ඩුවනේ??

එ්ක තමා බන් අවුලෙන් ඉන්නේ....මේ හු........ලට මමත් චන්දේ දුන්නා නේද කියලා මතක් වනකොට තමා බන් අවුල්...හරියට අපි නිකන් ඉල්ලලා වැඩි කරගත්තාවගේ නේ?

ඕක  මේ දවස්වල ගොඩක් දෙනෙකුට තියෙන දැවෙන ප්‍රශ්නයක්....Label 5 බීපු එවුන් දැන් බොන්නේ VX....  SMIRNOFF බීපු එවුන් දැන් බොන්නේ ගල්.....  එතකොට ගල් බීපු උන්? ඒක ගැන අහන්ඩ ඕනේ ගල් බලකායෙන් තමා...කොහොම වෙතත් මිනිස්සු බොන්ඩ ම ඕනේද???

බොන්නේ ඇයි? සරල ප්‍රශ්නයක්..එත් සරල උත්තරයක් නම් නෑ..."ආතල් එකට", "ප්‍රශ්න අමතක වෙනඩ" , "හුග කාලෙකින් බිව්වේ නැති නිසා" , "නිකන් හම්බුන නිසා", "නොබී බැරිකමට" වගේ හේතු නම් දාහක් විතර හොයාගන්ඩ පුළුවන්....ඒත් ඇත්තම හේතුව මොකක්ද කියලා කවුරුවත් හරියට කියන්නේ නෑ....රූපේ නම් කියන්නේ ඔය බොන්නේ "පෙරේතකමට"...

බීපුවාම ආතල් නම් මොකටද අනිත් ආතල්?? ඒ වගේම නොබොන උන්ට ආතල් ගන්ඩ බැරිද? ඒවා ඔක්කෝම බොරු කතා...තමන්ගේ වාසියට හදාගත්ත ඒවා..තව ඉහළ සමාජේට පෑහෙන්ඩ බොන්ඩ ඕනේ කියලා බොරු මත හදාගත්ත මිනිස්සුත් ඉන්නවා...ඇයි තව කොල්ලෙක් උනාම බියර් ටිකක් බොන්ඩ ඕනේ කියලා කියන උනුත් ඉන්නේ....එතකොට ඔය බොන කෙල්ලෝ ගැන කවර කතාද?

නොබොන උන් බොන්නේ නැත්තේ ඇයි?? "බීලා මොකටද","නිකන් සල්ලි නාස්ති නොකරන්ඩ","තමන්ගේ පෙර්සනල්ටිය තියාගන්ඩ","ඇග සවුත්තු කරගන්නේ මොකටද" ඔය වගේ හේතු ඕන තරම් නම් තියෙනවා....රූපේ නම් හිතන්නේ බොන එක විකාරයක් කියලා...ප්‍රශ්න හින්දා මිනිස්සු සල්ලි දාස් ගනන් වියදම් කරගෙන බොන්නේ වෙරි හිදුනාම ප්‍රශ්න විසදෙයි කියලා හිතාගෙනද? ඒක ලොකු දුර්වලකමක්...කොන්ද පණ නැති ගතියක්....ලංකාවේ බොන මිනිස්සුන්ට විතරද ප්‍රශ්න තියෙන්නේ? ආතල් එකට බොන එවුන් ඉන්නේ ඊටත් පහලින්....ඕන හේතුවකට බොතලයක් හිස් කරාම හෙන ආතල් කියලයි හිතන්නේ....තරුණ එවුන් විතරක් නෙවෙයි වයස 40-60 වෙච්චි අන්කල් ඩයලුත් බොන්නේ ආතල් එකට....සමහර එවුන් එක බොතලයක් ඉවර වෙන්ඩත් කලින් බිම.... වමනේ දාගෙන හෙන වාතයක් වෙනවා....

බිව්වා ම මොකද වෙන්නේ? අතුරු ළුල?... වකුගඩු නරක් වෙනවා... ඊට පස්සේ ගෙවල් වල මිනිස්සුන්ට දුක් දීලා මැරිලා යනවා...එහෙම නැත්තම් කොලෙස්ටරෝල්....සමාජ ප්‍රශ්න ගැන කතා නොකර ඉමු....

අනිත් ලොකුම මායාව තමා සිගරට් එක.... දවසට අඩුම ගානේ සිගරට් 5ක් වත් බොන එවුන් එක්ක ඉන්න රූපේට නම් හිතෙන්නේ මොන නාස්තියක්ද කියලා......සිගරට් 5ක් කියන්නේ රු.165ක්....වෙල් දෙකක් කන්ඩ පුළුවන්....මුලින් ම කොල්ලෝ සිගරට් බොන්ඩ පටන් ගන්නේ සමාන්‍යයෙන් අවුරුදු 13දී විතර...හොරෙන් උගුරක් ගහන එවුන් 10ට එනකොට පොර වෙන්ඩ දාගෙන අදිනවා...සිගරට් එකක් කටේ ගහගෙන බයික් එක්ක බැස්සොත් ඌ පොර....සෙට් උනාම සිගරට් බොන පුරුද්ද තනියම බීම දක්වා එන්නේ ඒලේවල් කරනකොට...අතේ සල්ලි තියෙන නිසා...ගත්තා..බිව්වා...එතනිත් එහාට ඉතින් නැවතීමක් ම නෑ තමා....කලාතුරකින් එකෙක්ට යන්තම් හොද කෙල්ලෙක් හම්බුවෙලා එකි බීම නතර කරොත් මිස නවත්තන්ඩ හිතන්නේ නෑ....

සිගරට් බිව්වා ම තියෙන අවුල් තමා...මුඛ පිළිකා..ඒක හැදුනොත් ඉතින් කන්ඩ බොන්ඩ බැරිව කෙල ටිකක්වත් ගිලගන්ඩ බැරිම කාලකන්නා විදියටමැරිලා යන්ඩ තමා වෙන්නේ....ආයේ තියෙනවා කියනවානේ අර ලිංගික බෙලහීනතාවය...තේරෙන් විදියට කිව්වොත් නගින්නේ නෑ....ඕක ගැන කිව්වා ම සිගරට් බොන පඩියෝ කියන්නේ "අපේ තාත්තාත් බොනවා...ඒත් මේ මම ඉන්නේ කියලා..." ඒ වගේ උන්ට කියන්ඩ තියෙන්නේ "තොපේ තාත්තා සිගරට් බොන්ඩ ගත්තේ කොයි කාලේද? ඒ සෑහෙන්ඩ වයසට ගිහින්...තොපි බොන්නේ අවුරුදු 12 විතර ඉදන්....එතකොට තොපිට නියම කාලේදී බබා හම්බුවෙයි" කියලා තමා....

බ්ලෝග් ලෝකේත් රූපේ දන්න විදියට වැඩියෙන් ම ඉන්නෙත් ඒ වගේ වැටෙන්ඩ ගහන පොරවල් තමා...ඕන කේස් එහෙකට බොමු කියන අය තමා...සමාන්‍යයෙන් ඔලුව හොදට පාවිච්චි කරන මේ වගේ අයත් මෙහෙම නම් අනිත් උන් ගැන කවර කතාද ?

ආන්ඩුවෙන් ගනන් වැඩිකරපු එක හොදයි! තව වැඩිකරත් කමක් නෑ....සිගරට් වලත් ගනන් වැඩි කරන්ඩ ඕනේ...සිගරට් එකක් රු.50ක් කරලා වෙන මොනවාහරි අඩු කරා නම්? බීලා බීලා කාලකන්නි විදියට මැරිලා යනවට වඩා හොද නැද්ද කීයක් හරි අතේ ඉතුරු කරගෙන නොබී හිටියනම්?
කොහොමහරි ඉතින් අන්තිමට ගල් බලකාය පව්!





Sunday, December 6, 2015

ඔබේ ප්‍රේමය ඉවසමි



හිතවත,

ඔබේ ප්‍රේමය ඉවසමි
හැබැහින්
විසිකරලනු සවියක්
නැති හෙයින්....

අසමි මගේ රුවගුණ
හිලව්වට
මගේ දුක් ගී ඔබ
ඇසුව ණයට....

කියමි දවසේ කතා
නැතිකමට
මට සවන්දෙන
වෙනත් කෙනෙකු....

අගයමි ඔබේ ‍වෙහෙස
මා වෙනු‍වෙන්
කැපවෙන
ණයබර වැඩිකරන....

සිතමි ඔබේ පව
කවරදැයි
පෙම් කෙරුමට
මේ මෝඩ කෙල්ලට....

Monday, September 28, 2015

කෙට්ටු අපට හොන්ඩා හොනට් ලොකු වැඩිය....



ඉස්සර කාලේ ෆේස්බුක් ගියේ ටී.වී තිබුන චයිනීස් ෆෝන් එහෙකින්....ඒ කාලේ හොද මොකක් හරි හම්බුනොත් කලේ ඒක බුක්මාර්ක් කරපු එක...නැත්තම් කොපි කරලා නෝට් එකක් විදියට දාගත්ත එක....සෑහෙන කාලෙකට පස්සේ ඒවා අස්සට ඔලුව දාපුවාම හමුබුනේ....ප්‍රසිද්ධියේ කියන්ඩ බැරි ගොඩක් ජාති එක්ක....

මේක ඒ කාලේ ෆේස්බුක් එකේ සෑහෙන්ඩ ප්‍රසිද්ධ එකක්....ලියපු කෙනෙක් නැතුව එහෙ මෙහෙ ගියපු එකක්....සුපිරි නිසා ඇදලා දැම්මා!
අයිතිකාරයා දන්නවනම් කියන්ඩෝ.... මල් තියලා වදින්ඩ වටින ඩයල් එකක්!!!


මඩේ යන්නේ ටී ඩබ්ලිව් ටූ හන්ඩ්‍රඩ්
ගලේ යන්නේ ටී ඩබ්ලිව් ටූ හන්ඩ්‍රඩ්
කැලේ යන්නේ ටී ඩබ්ලිව් ටූ හන්ඩ්‍රඩ්
උල පිල එකයි ට්‍රැක්ටරේට ටූ හන්ඩ්‍රඩ්

ටී ටී ආර් එකයි එක්ස් ආර් එකයි පොරේ
රේස් පදින‍ කොට කොල්ලන් තියයි හුරේ
ලිමිට් පැන්නොතින් අල්ලන් දමයි හිරේ
ඩීටි පදියි තේ වත්තේ සින්න දොරේ

සිලින්ඩර්ම හතරයි එන්ජිම ලොකුය
කාබ් එකක් හරි ලෙඩ දුන්නොත් සොරිය
ෂොක් එක මොනෝ යන එන කොට නම් සැපය
කෙට්ටු අපට හොන්ඩා හොනට් ලොකු වැඩිය

අඩි හතරට පහට වඩා වැඩි වෙච්චී
ලොකු හෙඩි ලයිට් දෙක ඇස් ගෙඩි දෙක වෙච්චී
ගහේ යන එකත් කජ්ජක් නෙම වෙච්චී
අනේ මට හොදයි බාජා ටූ ෆි‍ෆ්ටී

මැෂින් නැතුව මැනුවල් හයි කර කෑලී
ඇමරිකානුවන් මේවට හරි ලෝලී
පස්සෙ තියාගෙන තම ආදර බාරී
කොල්ලො පදිනවා ඩේවිඩ්සන් හාලී

කොල්ලට කොහෙවෙතත් බල්ලට නම් නොහැකී
දිගට වඩා පළල වැඩියි ගොඩ නැවකී
රේස් පදින ලැයිසන් ඇති මගේ සකී
ෂේන් පදිනවා තවුසන් කවසාකී

හතලිස් නමය සී සී එන්ජිම චූටී
දම් පාටයි ලා රතු පාටයි ස්වීටී
වර්කිං ගර්ල්ස්ලගෙ තනි ‍නොතනියට සිටී
කොල්ල පස්සෙ, කෙල්ල පදියි ස්කූටී

පල්සර් තිස්පහයි හතලිහ අතර කරයි
ඩිස්කවරියත් තව ඩිංගක් වැඩිය කරයි
බොක්සර් එක ලීටරේට හැටක් කරයි
සී ටී එක පෙට්‍රල් සුවදටත් දුවයි

කාර් වෑන් පෙජරෝ ලොක්කන්ගේ ය
ඒසී එකේ යනකොට සුරසැප වේ ය
වැස්සට තෙමී අව්වට අපි වේලේය
මේවයෙ තියෙන ආතල් ඒවයෙ නෑය.


**************************************
හෙන ගේමක් දීලා අවුරුදු 2ක් ලියලා යන්තම් 50ක් ලියා ගත්තා ඕයි!!!

Monday, September 14, 2015

රසිකලොජිස්ට එරෙහිව මරණ දඩුවම rasikologist vs. hanging



අපි ඉන්නේ ලංකාවේ....සාහිත්‍යයෙන් කිව්වොත් ඉන්දියන් සාගරයේ මුතු ඇටය...ලොකෙන්ම උතුම් රට... ** තමා..... තියෙන ජරා වැඩ ඔක්කෝම දැක දැක අහක බලාගෙන ඉන්න මිනිස්සු පිරිච්ච රටක් මේක...ආඩි හත්දෙනාගේ කැද හැලිය වගේ අනිත් එකා කරන කම් අපිට වෙනකන් දැනෙන්නේ නැති හිරිවැටිච්ච මිනිස්සු ඉන්න රටක් මේක.... අපි හැමදාම කලේ වාසි පැත්තට හුරේ දැම්මා! 

ලංකාවේ දේශපාලනේ තමා මේ හැමදේට ම මුල....අරයා මෙයා ගෙදර යැව්වා කියලා වැඩක් නෑ....ඒ තැනට එන්නෙත් හොරු මිනීමරුවො නම්......අනික රටේ නීතීය...ඒක යකාගේ නිතීයක්...මකුළු දැල වගේ තමා...පොඩි උන් අහුවෙනවා...ලොකු එවුන් බේරෙනවා....එදා ඉදලා ඒක උනා.....
                               "ගෝනවල රංජි සමාව"
   මේ කාලේ රූපේ හිටියේ නෑ...ඒත් ඒ කතාව දන්නවා...පොදු සමාවකින් ඌ එලියට ආවා....එදා රංජිට මරණ දඩුවම ලැබුනනම් කීදෙනෙක් ජීවත් වෙන්ඩ තිබුනද???  ඒවගේ කතා කීයක් තව ඇතිද??  

විද්‍යා......සදෙව්මි...... ඒ නිතීයේ හිඩැසේ ගොදුරු........කපල් එකක් අත් අල්ලාගෙන යනකොට කෑගහන පොලීසිය ලොක්කෝ අහිංසක කෙල්ලෝ රේප් කරන කොට සද්ද නෑ...අල්ලා ගත්තත් දෙන දඩුවම් පොඩ්ඩයි!  ඒවට නීතී හදන්ඩත් ඉඩක් නෑ.....

දැන් හරීයට වැරදිකාරයෝ ගැන අනුකම්පා කරන ආයතන වැහි වැහලා.....මානව හිමිකම් එකේ ඉදලා NGO කාරයෝ වෙනකම් ම වැරදිකාරයෝ ගැන තියෙන්නේ මාර කැක්කුමක්! පොලිසියේ අල්ලන් ගිහින් ගහලා ගහලා අහිංසකයෝ මරනකොට බොහෝම නිශ්ශබ්දයි! 

රසිකලොජි ලියන රසිකලොජිස්ට් බොහෝම මානවහිතවාදී පුද්ගලයෙක්.....එතුමාට අනුව "මරණ දඩුවම ද මිනීමැරුමකි"  තව විදියකින් කියනවනම් මරණ දඩුවම සිදුවිය යුතු දෙයක් නොවේ...... ඒකට රූපේට කියන්ඩ තියෙන්නේ "මහත්තයෝ ඔය මානවහිතවාදය තියලා ඉදගනින් කියලා තමා!"

සමාජයට අනතුරුදායක....සමාජයේ නොපැවතිය යුතු, පුද්ගලයින් ඉවත් කරන එක තමා යහපත් ම දේ....ඊටත් වඩා ඒක අනිත් පුද්ගලයින්ට අනතුරුහැගවීමක්....මත්ද්‍රව්‍ය ලෙදාම කරන එවුන් ව අල්ලලා හිරේ දානවා! උන් ලොයර්ස්ලා අල්ලලා එලියට ඇවිත් ආයෙත් පරණ වැඩේ ම කරනවා! කාම අපරාධ කරන උනුත් එච්චර තමා....ලංකාවට මීට වඩා බරපතල දඩුවම් ක්‍රමයක් අවශ්‍යයයි..කීයක් හරි දුන්නේ නෑ කියලා පොලිසීයට ඇතුලට දාන්ඩ පුළුවන් චාන්ස් එක වැඩි කරන එක ගැන නෙවෙයි මේ කියන්නේ.....අපරාධ සදහා දෙන දඩුවම් බරපතල කරන්ඩ ඕනේ....


කාම අපරාධ සදහා මරණ දඩුවම දෙන්ඩ ඕනේ....ඒකත් හංගලා රහසින් නෙවෙයි! ප්‍රසිද්ධියේ......මීට පස්සේ මේ වගේ දෙයකට ‍ලැබෙන පිළිතුර මේකයි කියලා පෙනෙනේඩ! අනික් බරපතල අපරාධ වලටත් මරණ දඩුවම නියම කරන්ඩ ඕනේ....

මේක ගැන රසිකලොජිස්ට් ගේ පැත්තෙන් කතා කරොත්.....අපිට අයිතියක් නෑ කාවවත් මරන්ඩ....එහෙනම් ඒ පුද්ගලයටත් අයිතියක් නෑ ඒ වගේ අපරාධයක් කරන්ඩ..... ඒ අපරාධය කිරිමෙන් සමාජයේ පැවතීමේ අයිතිය සමග ම මිනිස් අයිතිවාසිකම් ද ඔහු විසින් නැති කරගන්නවා!........  ඒ කියන්නේ ඔහු තව දුරටත් මිනිසෙක් නෙවෙයි! මිනිස් අයිතිවාසිකම් ගැන අපි කතා කරන්නේ ඒ අයිතිවාසිකම් වලට තර්ජනයක් ඇති වුවායින් පසුවය....

"මිනිසුන් නම් සත්ව කොට්ඨාසය සහමුලින්ම ශිෂ්ටාචාර වූ බව සැලකිය හැකිවෙන්නේ මරණ දඩුවම සහමුලින්ම ලෝකයෙන් තුරන් වූ දිනයට බව මගේ අදහසයි"

මිනිසුන් සහමුලින්ම ශිෂ්ඨාචාර වන්නේ බයෙන් ජීවත් වීම නැති වී ගිය දාට හා වැරදි කිරීම නැති වී ගිය දාට මිසක මරණ දඩුවම නැති වී ගියදාට නොවේ!.....ඊටත් මිනිසා යනු ස්වභාවයෙන්ම නවීනත්වයෙන් හා බාහිර ආටෝපයන්ගෙන් වෙස්වලාගත් තිරිසෙනෙකි.... තමන්ට අනතුරක් වීමට යන විට එයින් ආරක්ෂා වීම ස්වභාවිකය....
තේරෙන විදියට කිව්වොත්....


              කාලකන්නින්ට මරණ දඩුවම දිය යුතුය....උන් සිටීමෙන් වෙන සෙතක් නැත...අහිංසක ජීවීතයක් විනාස කල උන් ට කෑමකට ආරාධන කර අනේ ආයෙත් එහෙ කරන්ඩ එපා කිව යුතු නැත....
    

Tuesday, August 25, 2015

ප්‍රිතීසහගත සමුගැන්මකින් ඉක්බිති....


සංගා ක්‍රිකට් වලින් සමුගත්තා! ලංකාවේ ටීම් එකේ හිටපු හොදම බැට්ස්මන් ගියා! දැන් ඉතින් අලුත් උන් අතේ තමා වැඩේ තියෙන්නේ! 


පට්ට ලස්සන කවර් ෂොට් එකක් ගහපු සංගා පිට පිට සෙන්චරි 4ක් දාපු එකම ඇති සෑහෙන කාලෙකට...සංගාගේ නමට ලියවිච්ච රෙකෝඩ් ටික කඩන්ඩ නම් තව සෑහෙන කාලයක් යයි! ඊටත් ඒ වගේ සුපිරි විකට් කීපර් කෙනෙක් තාම ටීම් එකේ නෑ...





තාම සනත්ට කැමති මිනිස්සු ඉන්නවා වගේ තව සෑහෙන කාලයක් යනකම් අපිට සංගාගේ අඩුව දැනෙයි! ස්ටම්ප් ටිකක් මිස් වෙනකොට වන් ඩවුන් 0 ට යනකොට අපිට ‍ගොඩාාාක් රිදෙයි! පෞද්ගලිකව රූපේ සංගාට කැමති ඒ Personalty ට...නියම ක්‍රිකට් ක්‍රීඩකයෙක්ගේ පෙනුමක් හා වැඩ තියෙන්න්‍ෙ! අනික ඒ දේවල් ගොඩනගා ගත්තේ ටිකෙන් ටික...කුසල් පෙරේරා වගේ මැච් 10ට 100 වගේ නැතුව ස්ථාවර ව සෙල්ලම් කලේ! අලුත් කොල්ලෝ ගොඩකට චාන්ස් එක දුන්නා! සංගා මහේල ගියාම ඒ චාන්ස් එකේන් ආව උන් තමා මිලින්දලා ධනංජයලා.... සනා වගේ අන්තිම පීචං වෙනකන් ඉන්නේ නැතුව නම්බු පිට ගියපු එක මාර ගති....

දැන් ඩිල්ෂාන් තමා ටීම් එකේ වයසක ම ඩයල් එක...අවුරුදු 38ක් කියන්නේ දැන් පෙන්ෂන් යන්ඩ ඕනේ කාලේ! මාලිංග මැතිව්ස් චන්දිමාල් ඇරුනාම දැන් තියෙන්නේ පොඩි කොල්ලෝ ඉන්න ටීම් එකක්! උන්ට ඕනේ මැච්! අපේ තේරීම් කමිටුවේ ඉන්න උත්තමයන්ට වෙන වැඩක් නැති එකේ පරදින්ඩ හරි කමක් නෑ කියලා මැච් ටිකක් සෙට් කරලා දුන්නානම් මුන් ටික හදලා ගන්ඩ පුළුවන්! 
                                                 

ක්‍රිකට් වලින් පස්සේ සංගා කෝච් කරෝත් පට්ට! එ් වගේ මනුස්සයෙක්ගේන් ඒ වගේ වැඩක් ගන්ඩ ඕනේ!
අපේ ප්‍රින්සිපල් සංගාට තානාපති කමක් දෙන එක නම් හරි නෑ! ඕවා දේශපාලනේ ගෑවෙන ගූ ගොඩවල්! එහෙන් මෙහෙන් බලපෑම් එයි! අපේ ඉන්න පර දේසපාලුවෙන්ගේන් බේරිලා ජොබ් එකක් කරන එක පට්ට අමාරු වැඩක්! 


දෙවියනේ කියලා මේ හිටපු විදියට ඉතිරි ටිකත් නම්බු පිට හිටපන් මයේ දෙයියා!!


Saturday, August 22, 2015

එකත් හත් දොහෙන් ඉවරයි!




පහුගිය දොහේ රූපේටත් ජොබක් සෙට් වුනා...ඒක හින්ද‍ා අනිත් හැම වැඩේම අතපසු වුනා....කොටින් ම කිව්වොත් ගහ ගහ හිටපු ගේම් එකත් අමතක වුනා...ඒ මොනවා වුනත් ඒ අස්සෙත් අමතක නොකරපු වැඩ නොතිබ්බා නෙවෙයි!

ඒකත් පට්ට ජොබ් එක...පරණ යාළුවෙක් තමා සෙට් කලේ....දෙවියනේ කියලා ඉන්ටවීව් එන්ඩ කියලා කෝල් එක එනකොට මෙඩිකල් එක ගන්ඩ ගිහින් හිටියේ....යන්තම් එහෙන් මෙහෙන් ඇදුමක් හොයාගෙන අපේ කමියාගෙන් පාර අහගෙන ඉන්ටවීව් ගියා...ඩයල් දෙකක් ආවා...තරුණ ඩයල් එක තමා මුලු ප්‍රශ්න ටික ඇහුවේ...ඒවා නම් ලේසියි...ඉදලා ඉදලා වයසක ඩයල් එක ඇහුවා ප්‍රශ්නයක්...එහෙම දේවල් ගැන මම හිතලාවත් නෑ.....අරවා මේවා අහලා අන්තිමට අරු කියපි...ඌත් මගේ ඉස්කෝලේ කියලා....යන්තම් එතකොටයි හුස්ම ටිකක් වැටුනේ....කොහොමහරි පන බේරගෙන ගෙදර ආවා.....

දවස් ගානකට පස්සේ ඉතින් එන්ඩ කිව්වා...ගියාම ඉතින් ලොක්කටම කතා කරන්ඩ වුනා...පොර අහපු හැම එකටම පුළුවන් සහහා කියලා උත්තර දීලා බේරුනා...පහු වෙනිදා ඉදලා වැඩ...එදා දවසම හොද චාටර් එකක් කාලා දවල් 1ට විතර ගෙදර ආවා...ඊට පහු වෙනිදා ඉදලා ඉතින් ගියා...දෙවැනි දවසේ තමයි රූපේට හිතුනේ අන්තිම කැමැත්ත ලිව්වා නම් හොදයි කියලා.....

කොහමින් කොහොමහරි දවස් ගානක් ගිහින් ඊයේ රෑ වෙද්දි එපා ම වෙලා ගියා.....ගෙදර එන්ඩ විදියක් නැතුව රෑ 9ටත් දෙහිවල කැරකිලා යන්තම් ගෙදර ආවා...ඊයේ ම තීරණය කරලා තිබුනේ අයින් වෙනවා කියලා...ඉතින් අද උදේ පාන්දර ඇහැරිලා අස්වීමේ ලියුමක් ලියන විදිය නෙට් එකෙන් හොයගෙන ගිහින් දුන්නා....HR එකේ හිටපු ලස්සන අක්කා කෙනෙක් නම් තව හිතලා බලන්ඩ කිව්වා...එව්වා කොහෙද? ඔය කෙල්ලෝ කියන ඒවා අහන්ඩ ගිහින් නිකන් කෙලවාගන්නේ මොටද? අනික ඒ හිටපු දවස් 7 ඔනේවටත් වැඩියි! ඉතින් අර අක්කට ටටා කියලා ගෙදර ආවා....
දැන් ඉතින් ආපහු දෙයියනේ කියලා පරණ වැඩ ටික පටාාාාන් ගන්ඩ ඕනේ.....

ටික දවසක් දියන්...කෙලවරක ඉදලා ආපහු පොස්ට් කියවාගෙන එනවා....

*********************************************************

කවුරුහරි පින්වතෙක් මේ අහිංසකයට ජොබ් එකක් හොයලා දුන්නට අවුලක් නැත...ඒක මහා පුණ්‍යකර්මයක් වෙනවා සිකුරුයි!!

Wednesday, August 12, 2015

මල්වඩම් හා පැමිණීම අනවශ්‍යයි!


මිනිස්සු අන්තිම කැමැත්ත ලියන්නේ වයසට ගියාම..දේපල බෙදලා දෙන්ඩ! දරු මුණුපුරන්ට ප්‍රශ්න අඩු වෙන්ඩ! ඒත් ඊට කලින් මලොත්? හදිස්සියේ? පාර යන කොට හැප්පිලා මැරෙන්ඩ පුළුවන්! නානකොට ගිලිලා මැරෙන්ඩ පුළුවන්! උඩකින් වැටිලා මරෙන්ඩ පුළුවන්! ඉතින් එහෙම වුන කාලෙක ප්‍රයෝජනයට ගන්ඩ දැන්ම අන්තිම කැමැත්තක් ලියලා තිබ්බොත් මොකද? සමහර විට වැඩක් නොවෙන්ඩත් පුළුවන්! වැඩක් වුනොත්? ඒ කටයුතු නිරවුල් නේ? ඊටත් මේ දවසවල වැඩ ෂුවර් නෑනේ?  එහෙනම් ඔන්න රූපේගේ අන්තිම කැමැත්ත......

ප්‍රධාන කාරණාව දන් දීමයි! ඇස් හා පටක සියල්ලම ලබා දීමට මා දැනටමත් පොරොන්දු වී ඇති හෙයින් මාගේ මියගිය විගසම ඇදුම් අල්මරියේ යට ලාච්චුවේ රෝසපාට ෆයිල් කවරයෙන් අක්ෂිදාන සංගමයේ කොලේ රැගෙන එහි ඇති අංක වලට කතා කොට ඒ වැඩ කටයුතු කල යුතුය...ගන්ඩ තියෙන ඔක්කෝම ගත් පසු ඉතිරි ඒවා මෙඩිකල් කොලේජ් එකට දිය යුතුය...කෑලි කැපු මාව නැවත සෙට් කර බලා උන්වත් ආතල් එකක් ගන්න එක සතුටකි....දහ පාලෝස්දා දී පෙට්ටි ගැනීමෙන් මුදල් නාස්ති කල යුතු නැත....පෝස්ටර් ගැසීමත් නොකල යුතුය....මාව දන්න එකෙක් අහල පහල වැඩිය නැත....දන්න උන් මූණ පෙන්නලා යන්ඩ ආවාම ඇතිය...දුර ඈත ඉදන් වැඩපාඩු කරගෙන ආ යුතු නැත...

"ගොන් ආතල් නොදිය යුතුය...ඉන්නකොට මෙලෝ උදව්වක් නොකල නෑදෑ සනුහරේ එතන ඇවිත් ලොකු සීන් දාන්ඩගත්තොත් උන්ට දෙකක් ඇනීමට අවසර ලබා දෙමි..එන වුන් මගේ ලැපට කෙලිය හැකි බැවින්  එය පරිස්සම් සහිතව තැබිය යුතුය...මගේ DVD ටික සුප්පාට ගත හැකිය..කණ්නාඩි දෙකට කෙල හලන අතාට (රනාට) එය ගතහැකිය...අම්මා කේස් එක පාවිච්චි කරන හෙයින් එය තබා යා යුතුය...ෆෝන් එකට අත නොතැබිය යුතුය...ඇදුම් ටිකත් ඕනේ අයකෙකුට ගත හැකිය...මට දේපල නැති නිසා ඒ ප්‍රශ්න ඇති කර ගත යුතු නැත...."

"මා එක එකාගේ මලගෙවල් වලට සෑහෙන මුදලක් පරිත්‍යග කර ඇති හෙයින් උන්ම සල්ලි එකතු කර බිස්කට හා බීම ගෙන ආ යුතුය...අපේ පියාට හිතුනොත් නෙස්කැ‍ෆේ මැසිමක් ගෙන ආ හැකිය...මාරි නොකන නිසා චොකොලොට් බිස්කට් ගෙනආ යුතුය... නයිට් ගැසීම සීතූ සේ කල හැකිය...සම්පූර්ණ කාඩ් ගැසීම සුප්පා විසින් බලාගත යුතුය...ප්‍රවාහන කටයුතු බූට් රුවන් විසින් කල යුතුය...කොට චතුවාත් අහම්බෙන් පැමිණ මුණ පෙන්නා මාරු වුනාට අවුලක් නැත...එන්නේ නැති වුන් නාවාට අවුලක් නැත...ඒත් ආපු එවුන් යන්ඩ කලින් ගහපු හට් ටික ගලවා යා යුතුය..."

"දාන දෙන්ඩ කියලා ලොකුවට එක එකාගේ බඩවල් පුරවිය යුතුනැත.නෑයෝ නම් නාවාට කාරි නැත.... හැමදාම ආපු ගියපු එවුන් ටිකටයි රූපේ කියා මාව දන්න වුන්ටයි කතා කොට කන්ඩ ටිකක් දුන්නාට අවුලක් නැත....අතාගේ බඩ පිරවීමම පිනකි...එකෙන් මටත් පින් ලැබේ....බ්ලොග් ලියන වුන් ආවොත් වැඩය සල්ලි නැති නිසා දෙන ගල් අරක්කුව බාරගතයුතුය..."

 "මා මලොත් ඒක විකුණාගෙන නොකා යුතුය...දන්සල ඉස්සරහටත් දිගටම දිය යුතුය...උඹලා ලේ ටිකක් දෙන වෙලාවක මා මතක් කර දුන්නොත් ඇතිය.... "

Thursday, July 23, 2015

එනවද දවසක බොරැල්ලට පයින් යන්න...




එක
මොහොතක් හෝ
ගෙවී යාම ගැන
දෑඩි සේ
විස්සෝප වෙමි
කෝප ගනිමි....
වේගයෙන් රිය පදවන
රියදුරුට
වෛර කරමි,
පාර දුර නොවීම ගැන
මිහිකතට බැන වදිමි..

රෝස මල තවත් වරක්
සිනා සලන්න,
දහවලේ ගිනියම් වන
හද සිසිල් කරන්න,
ඉද හිට නෙතගින්වත්
බෑල්මක් හෙලන්න...
ආසාවෙන් මා ගැනත්
විස්තර අහන්න,
අපේ පරන මතක
අලුත් කරන්න,
එනවද දවසක බොරෑල්ලට
පයින් යන්න...

පුලුවන් නම්
හෙටත් එන්න,
ලගින් වාඩි වෙලා
කතා කර කර යන්න,
මට චුට්ටක්
ඉඩක් දෙන්න...
හැමදාටම
මගෙ ප්‍රේමය
ප්‍රකාශිත,
ප්‍රතික්ශේපිත,
දීර්ඝ,
ඒකපාර්ශවික,
ප්‍රේමයක් නොකරන්න....

Tuesday, July 21, 2015

අපිත් පරික්ෂණ කරපු මිනිස්සු!

මිනිස්සු වැරද්දක් කරන්නේ නොදැනුවත් ව...ඒත් ඒක ආපහු ආපහු කරනවානම් ඒක ගොන්කමක්....දැන දැනත් ඒකම ආපහු කරන්නේ ආතල් එකට හෝ මෝඩකමට.... ඒත් රූපේ දැන දැන ම ගොන්කම් කරන්නේ ඇයි කියලා රූපේටම හිතාගන්ඩ බෑ....ඒක ඉතින් පුරුද්ද වෙන්ඩ පුළුවන්...පොඩි කාලේ ඉදලා කලේ ඒ වගේ ඒවා තමයි!!
                               

 

රූපේට පොඩි කාලේ තිබුන ආතල් එකක් තමයි පරික්ෂණ කරන එක...මෙහෙම කරොත් මොනවා වෙයිද? ඕක තමයි ති්‍බුන ලොකුම ගැටළුව...මතක විදියට ‍හෙම්බිරිස්සාව හැදිලා හිටියේ...අම්මා ස්ටීම් කරන්ඩ කියලා ගෙනත් දුන්න‍ා උණුවතුර එකක්...අම්මා ඉන්නකොට පරික්ෂණ කරන්ඩ බෑනේ?? ටිකක් එහෙ මෙහේ වෙනකම් ඉදලා මේස් එකකට අත දාලා අත දැම්මා උණු වතුර එකට...එතනින් එහාට වැඩි දෙයක් මතක නෑ... මුළු ගේ දෙවනත් වෙන්ඩ කෑගැහුවලු....ටික දවසකින් අතේ ඇගිලි වල හම ගියා නම් මතකයි!! මේස් දැම්මාම උණුවතුරට අත දාන්ඩ පුළුවන් වුනා නම් ඒක එදා රූපේ හොයාගන්නවා!! වෙලාවට ඒක එහෙම වුනේ නෑ.... ඒ කරපු එක පරික්ෂණයක්...



සබන් බෝල කටින් යවන්ඩ පුළුවන්ද කියලා බලන්ඩ තව පරික්ෂළුයක් කලා වගේ මතකයි....ඒ අර සබන් බෝතලේට බටයක් දාලා පිබින්නේ, අන්න ඒ සීන් එක ආශ්‍රිත ව...බටේ ඔබලා අරන් පිබිනවා වෙනුවට උඩට ඇද්දා...වමනේ ගිහින් ලොකු සීන් කෝන් එකක් වුනා ඒක නම්...


මෝඩ වැඩ කරන ඒක පවුලෙන් එන දෙයක්...රූපේගේ සහෝදරිත් ඒවට හරි දක්ෂයි...අම්මා තාම මතක් කර කර බනිනවා ගොන් වැඩේට...රූපේට මතක විදියට ඒ රූපේලා හෙනට පොඩි කාලේ....අම්මා හවස එනකන් රූපේයි සහෝදරියි මිදුලට වෙලා ඉන්නවා!! මුකුත් අවුලක් නෑ..අම්මා ආවාම සහෝදරී දුවනවා ඉතින් පිලිගන්ඩ...ගිහින් අම්මාට කියනවා,

"අම්මේ! මේ මම කනට ගලක් දාගත්තා!!"

Monday, July 13, 2015

සුපිරියට සින්දු කියන අළුත් දක්ෂයෙක් "නිර්වාන් ප්‍රබෝද්"



රූපේ ඉස්සර ඉදලා එක එක ජාතියේ සින්දු ඇහුවා....සිංහල ඉංග්‍රිසී එක එක ඒවා....සිංහල අලුත් ඒවා..පරණ ඒවා කියලා බෙදලා කාලයක් ඇහුවා...ඉංග්‍රීසී රොක් සිංදුත් කාලයක් ඇහුවා...අන්තිමට සිංහල ස්භාවිත සංගීතයේ නතර වුනා...එහෙමයි තියලා ඉතිලා වෙනසක් නෑ....දැන් ඉතින් හොදයි කියලා හිතෙන හැම එකම අහනවා....

කොච්චර ඇහුවත් හැමෝටම රූපේත් ඇතුලුව සිංදු කියන්ඩ බෑ...එකත් ටැලන්ට් එකක්!! ඒක හැමෝටම නෑ...බොහෝම පොඩි පිරිසකට විතරයි තියෙන්නේ!!


ඇවිද්ද පය ලියන සුදීක අයියා දාපු මේ පොස්ට් එකේන් තමා රූපේ නිර්වාන් ප්‍රබොද් කියන පුද්ගලයා ගැන දැන ගන්නේ....ඒ දිනවල ඔහු කරේ ගැහැණු කටහඩින් සිංදු කියපු එක...සුදීක අයියා කියපු විස්තර අනුව සෑහෙන්ඩ දක්ෂතා තියෙන පුද්ගලයෙක්...

අනුන්ගේ සිංදු කියන එක නවත්තලා නිර්වාන් තමන්ගේම සිංදු කියන්ඩ පටන් ගන්නවා...ඒ රෑ කළුවරයි කියන සිංදුවත් එක්ක....


රෑ කළුවරයි සිත් පිත් නැති
මා පෙලනු මිස සනසනු බැරි
ඈ මගෙන් වෙන් වී කල්පෙකි
මේ කළුවරයි සිත් පිත් නැතී...//

සිනා කදුලැල් මැවු සිහිනෙක
නිමේෂයකට ඉඩ තියා
දයාවන්තිය ගියා යන්නට
අදුර මා හට පවරලා
මා පෙලනු මිස සනසනු බැරි
මේ කළුවරයි සිත් පිත් නැතී....

සෙනේ වදනින් නිවා මා සිත
තැනු මේ ලොව සුන්දරයි
සිදී ගිය මුත් හදේ අක්මුල්
අතීතෙට මං ආදරෙයි
මා පෙලනු මිස සනසනු බැරි
මේ කළුවරයි සිත් පිත් නැතී....

රෑ කළුවරයි සිත්....





යූ ටියුබ් චැනල් එකක් අටෝ ගත්ත නිර්වාන් දැන් තමන් කරපු නිර්මාණ ඒකට ඇඩ් කරලා තියෙනවා...මේ තියෙන්නේ ඒ චැනල් එක...ගිහින් අහලා Subscribe පාරක් දාලා සප් එකක් දෙන්ඩ...

ඒකේන් ආව ප්‍රතිචාර වලින් දිරිමත් වුනු නිර්වාන් දැන් තව සින්දුවක් කරලා තියෙනවා....

මම අහස බලන්නම්
තරු මල් පීදේවී
ඔබ පුංචි තිතක් වී
නොපෙනී යාවී
මහ පොළවේ මං තනි වේවී..//

මට මතකයි මං ලියූ පෙම් වදන්
ඔබට නොදී
කොල කෑලි ගොඩක් ගිනි තැබුවා මං
ඒ ගිනි පුපුරක් ඉතිරිවෙලා
මහ පොළොවම ගිනි ඇවිලේවී...

මං අහස බලන්නම්...

ඔබට මතකනම් නෙලූ සල් කුසුම්
සුවද දිදී
හිත කෝල හැගුම් හෙලි කෙරුවා මං
ඒ සුවද පොදක් ඉතිරිවෙලා
ඔබ යන එන තැන හමුවේවී...

මං අහස බලන්නම්...





බොහෝම නිවුන සින්දුවක් විදියට රූපේට ඒ සින්දුව හිතට ඇල්ලුවා...

ස්ටාර් තරග වලින් මැසේජ් ගහලා ස්ටාර්ලා වෙලා මෙලො රහක් නැති ඇල්බම් එකක් ගහලා නිවිලා යන අය අතර නිර්වාන් තමන්ගේම සල්ලි වලින් සිංදු කරන එක අගය කරන්ඩ ඕනේ වැඩක්....ඒ නිර්වාන් සින්දු කියන්නේ සල්ලි හම්බ කරන්ඩ නොවෙන හින්දා....රිගින්ටෝන් වලට සින්දු කියන අපේ සුපර්ස්ටාර්ලාට මේවා විහිළු වෙයි!!ඒත් ලංකාවේ සංගීතේ අනාගතේ තියෙන්නේ මේ වගේ අළුත් අය අතේ...

නිර්වාන් ඔබට ජය!!

Saturday, June 27, 2015

අවුරුදු 12ට පසු අධිරාජ්‍යයෙක් වුනෙමි






සමහර පරණ දේවල් තියෙනවා, කොච්චර කල් ගියත් ආපහු දැක්කම ආසා හිතෙනවා....පරණ කරපුු ගොන්කම් වුනත් එහෙම්මයි...
සමහර පුරුදු තියෙනවා කොච්චර ට්‍රයි කරත් ඒවා හදන්ඩ හරි අමාරුයි...අස් කරනවා වගේ දේවල්...ඒත් ඉතින් හැමදාම බැනුම් අහන්ඩ බෑ කියලා දාපු ශ්‍රමදානෙක පුතිඵලයක් විදියට පෞරාණික C.D ටිකක් හම්බුනා...මට තිබුනු සුරක්ෂිත කිරිමේ මේනියාවට පිං සිද්ද වෙන්ඩ ඒවායින් 2ක් 3ක් යන්තම් වැඩ කරන තත්වෙක තිබුනා...

රොම් එක ගැන හිතලා හිතලා අන්තිමට ඕන මගුලක් කියලා දාලා බලපුවාම යන්තම් එකම එක ගේම් C.D එකක් වැඩ කලා... 2003 දී රූපේ පුතා කරපු රයිට් කිරිල්ලක හාස්කම් තමා... Road Rash, V-Cop වගේ ඒවා තිබුනාට ඒවා ඔක්කෝම වැඩ කරන්නෙ නෑ...යන්තම් එකක් නම් අන්තිමට වැඩ කලා....

මතක විදියට ඒ රූපේ ගහපු පලවෙනි ගේම් එක....

2002 ඉදලා මේ වෙනකම් ආපු ඒ කාලේ කන වැඩේ පටන් ගත්තේ එතනින්.....ගමක නැතුව ටවුන් එකක උඩ තට්ටුවක හිටපු රූපේට ඉතින් විනෝදේට තිබුනේ ඕක තමා...
පිස්සෙක් කියලා හිතුනට ඒ ස්ටාර්ට් එක ගැන රූපේට සතුටු වෙන්ඩ පුළුවන්.....




සමහර විට මේක ගහපු එවුනුත් ඇති....Age of Empires....අහලා පුරුදු නැද්ද?? එහෙනම් ඔබේ පරිගණක ඉතිහාස දැනුමෙන් පලක් නැත....    1999 සැප්තැම්බර් ආපු ගේම් එකක්...250mb ක් වත් නැති ඒත් ඒ කාලේ හැටියට බර ගේමකි....HD නැති ඒ කාලේ කොල්ලෝකුරුට්ට‍ෝ පිස්සු වට්ටපු එකක්....
අද දවසින් ඊට පස්සේ් ඒ තරම් වැඩක් වුනේ නැත්තේ මේක හින්දා කියලා නම් හිතන්ඩ එපා...




   

නොගහපු එවුන්ට ගහන්ඩ ගේම් එක අප්ලෝඩ් කරන්ඩ රූපේගේ අදහසක් ඇත....එහෙත් අධිවේගී අන්තර්ජාල ජැකේජය ඉවර වී ඇක....64kbps ඩයල්අප් ස්පීඩ් එකේන් ඒ සෙල්ලම් දැමිය නොහැක....ලබන මාසේ දමමි....නැවත ඇවිත් රුගෙන යන්ඩ....

+++++++++++++++++++++++++++++++++++++++++++++++++++++++++++++++
ප.ලි---මට මිස් වුන බ්ලෝග් පොස්ට් බර ගණනක් ඇත...ඩයප් අප් එකෙන් කියවාගෙන එමි...
          ප්‍රමාදයට සොරි වේවා...


Thursday, April 30, 2015

මොඩර්න් සාධුලා...


 
අනේකවිධි දුක් කම්කටොලු වලින් පිරි සසර කතරින් එතෙර වීම සදහා ගිහිගෙය හා ලෞකික සැප සම්පත් හැර ගොස් හිස මුඩු කොට පැවිදිව  බුදු සසුනේ බුදු පුත්‍රයන් වූ අපේ සංඝයා වහන්සේලා නම් මල් හතයි ඕයි.......

Smartphone එකේ ඉදලා Peotv දක්වා දියුණු වී සිටින අපේ සාධුලා දැන් වඩින්නේ නැත...කෙලින් ම ගොස් බහින්නේ ලොකු ලොකු බෙන්ස් කාර් වලින්...මල ගෙවල් දාන ගෙවල් වලට සෙරෙප්පු දෙකක්වත් නැතිව පයින් ම වැඩිය හාමුදුරුවරු හිටියේ ඉස්සර...දැන් ඉන්න සාධුලාට කාර් එකක් වෑන් එකක් නැත්තම් අඩුම ගානේ ත්‍රී වීල් එකක්වත් ඕනේ...පිණ්ඩපාතේ වඩින හාමුදුරුවරු දැන් හොයාගන්ඩ අමාරුයි...මේ කියන්නේ දැන් බොහෝම අඩු ප්‍රතිශතයක් වෙලා තියෙන ගම්වල ඉන්න ඇත්ත ම ස්වාමීන් වහන්සේලා ගැන නෙවෙයි...උන්වහන්සේලා කරන්නේ නිවනට මග එලි පෙහෙලි කර ගන්න එක මිස වස්තු භෝග රැස් කීරිම නෙවෙයි...දැන් හැම පන්සලේම වාහනයක් තියෙනවා...සාධුලා එහෙ මෙහෙ යන්නේ ඒවායේ...පයින්  යන හාමුදුරුනමක් හුග කාලෙකින් දැකලා නෑ...



මු දන්න දෙයක් නෑ කියලා ඕන කෙනෙක්ට කියන්ඩ පුළුවන්...රූපේ හැමදේම දන්නේ නැති වෙන්ඩ පුළුවන්..ඒත් රූපේ පොඩි කාලේ ඔය වගේ නියම හාමුදුරුවරු ඕන තරම් දැකලා තියෙනවා...පන්සලේ පොඩි මඩුවකින් පටන් අරන් අවුරුදු 119ක් වෙච්චි ඉස්කොලේ ඇතුලේම දැන් පන්සල තියෙන ඉස්කෝලෙක ඉගෙන ගත්ත රූපේ පන්සල් ගැනත් හාමුදුරුවරු ගැන සැහෙන්ඩ දන්නවා...රූපේලාට දහම් පාසලේ අවුරුදු 3ක් ඉගන්නවපු සංඝරතන හාමුදුරුවෝ හැම ඉරිදාම කිලෝමීටර් 40ක් 50ක් ඒ වෙනුවෙන්ම ආවා...දැන් ඉන්න සිනීබෝල හාමුදුරුවරුන්ට වඩා අපේ සංඝරතන හාමුදුරුවෝ ධර්මය දැනගෙන හිටියා..ඒක බෙදලා දෙන්ඩ දැනගෙන හිටියා...ලමයි ව පන්සලට ගෙන්නන්ඩ දැනගෙනව හිටියා....දැන් තියෙන්නේ ඉංග්‍රීසි දහම් පාසල් නේ...සමහර විට ඒවායේ පාලිත් උගන්නනවා ඇත්තේ ඉංග්‍රීසියෙන්...

දැන් පන්සල් වල දායකයෝ නෑ...ඉන්නේ ව්‍යාපාරිකයෝ...තමන් ව මාකට් කර ගන්ඩ,කරපු පව් සෝදා ගන්ඩ කාර් වලින් බොඩිගාඩ්ලා එක්ක ඇවිත් මල් වට්ටියක් පූජා කරලා හාමුදුරුවන්ව අන්දගෙන ඉන්න ඈයෝ තමා දැන් ඉන්නේ...කොල්ලෝ පන්සල් එන්නේ කෙල්ලෝ බලන්ඩ...වයසක ඈයෝ පන්සල් එන්නේ ආවේ නැත්තම් පාංසකූලේ දෙන්ඩ හාමුදුරුවෝ එන්නේ නැති වෙයි කියලා...ඉස්සර ජිවීතේට සෑහෙන්ඩ ලං වෙලා තිබුන පන්සල දැන් නිකම් ආයතනයක් වෙලා...චෛතයයි බෝධින් වහන්සෙයි වැද පුදා ගන්ඩ මිසක් දැන් බණ පදයක් අහන්ඩ පන්සලක් නෑ...බණ කියන්ඩ හාමුදුරුවරුත් නෑ...පන්සලේ හැම වැඩටම පැනගෙන කරන්නේ අනිත් අයට කරන්ඩ නොදෙන්නේ ව්‍යාපාරික දායකයෝ...කඨීන පින්කමත් දැන් මාකට් කරනවා ඕසේට...පෙරහැරක් ගියත් යන්නේ අනිත් පන්සලට වඩා වැඩිපුර අලියෝ දාගෙන....

දැන් හාමුදුරුවරු කරන්නේ දේශපාලනය...ඒක තමයි අලුත් ට්‍රෙන්ඩ් එක වෙලා තියෙන්නේ....සිවුර දාගෙන ශාසනේ මාකට් කරන්නේ කිසිම විලිලැජ්ජාවක් නැතුව...දේශපාලනේ තියෙන්නේ ගිහියන්ට..නැතුව චීවර ධාරීන්ට නෙවෙයි...ආගම ජාතිය වෙනුවෙන් පෙනී සිටිනවා කියලා කරන්නේ හෙන මායාවක්....තමන්ගේ බලය වැඩි කරගෙන වස්තු සම්පත් රැස්කරනවා...දැන් කැම්පස් වල අන්තරේ රන් කරන්නේ හාමුදුරුවරු..අලුත් එවුන්ට සද්දේ දාලා ඔවුන් ව ජෙ.වී.පී එකේ වැඩ කරවා ගන්ඩ දක්කන කොන්තරාත්තුව බාර ගෙන ඉන්නේ කැම්පස් හාමුදුරුවරු....දැන් කියපල්ලා ඉස්සර කාලෙත් හාමුදුරුවරු රට වෙනුවෙන් ඉදිරිපත් වුනා කියලා..ඔව් ඔව් එහෙම කලා....ථෙරපුත්තාභය හිමි යුධයට ගියේ සිවුර ගලවලා....ගිහියෙක් විදියට...

ජයසේන ජයකොඩි ලිව්වා ඇත්තම රහතන් වහන්සේ නමක් කියලා අපිට හිතන තරමේ හාමුදුරු නමක් ගැන පොත් 8ක්....පිච්චමලෙන් පටන් අරන් සුදු නෙළුම-2 න් අවසන් වුන පොත් වල අපිට අමතක වේච්චි ඇත්තම හාමුදුරුවරු ගැනත් නියම ආගමික ජීවීතේ ගැනත් කියනවා.....දැන් හාමුදුරුවරුන්ගෙන් කීයෙන් කීදෙනාටද වෙදකමක් පුළුවන්...ඉස්සර හිටියේ ජීවකලා...දැන් ඉන්නේ පෙනඩෝල් එකක් බීලා අඩු වුනේ නැත්තම් කෙලින්ම ස්පේෂලිස්ට්ලා චැනල් කරන සාධුලා...

ලොකු හාමුදුරුවෝ මුලින් ම කරන්නේ තමන්ගෙන් පස්සේ පන්සල බාර දෙන්ඩ තමන්ගේ ඥාතියෙක් මහණ කරන එක...ඒ පන්සල පවුලේ භුක්තියට තිය‍ාගන්ඩ..ඒක ඒ විදියට දිගටම යනවා...ලක්ෂ ගණන් වියදම් කරගෙන පන්සල් වල ගහනවා අලි තඩි වාහල් කඩක්...හරියට කන්ටේනර් එනවා වගේ...වටේට ගහනවා ලොකු තාප්පයක්...ඊට පස්සේ කියනවා දැන් මිනිස්සු පන්සලෙන් ඈත් වෙලා කියලා....

මිනිස්සු පන්සලෙන් ඈත් වෙන්ඩ හේතු වුනේ අවීවේකි බාවය විතරක් නෙවෙයි...හාමුදුරුවරුත් හේතූ වුනා....නිකාය වලට බෙදිලා මුදුනා වෙන්ඩ දගලන සාධුලා ධර්මය අමතක කලා...මහා නායක කියලා තනතුරු හදාගෙන දැන් කරන්නේ තනිකර විහිළුවක්..ඒ ඒ අය කරන්නේ තමන් පක්ෂ දේශපාලන පක්ෂ වල බලු දේශපාලකයින්ට පිරිත් නූල් බැද බැද ලකුණු දාගන්න එක...ලංකාවේ ඉන්න හාමුදුරුවරුන්ගෙන් කීයෙන් කී දෙනාවද අපි හරියට අදුරන්න...කාලයක් තිබුනා කොටුවේ හාමුදුරුවෝ කියලා රුල්ලක්...බිත්තරක් දාගන්ඩ කියලා කියන ඒ හාමුදුරුවරන් තවමත් සාසනේ තියන් ඉන්නේ ඇයි කියන එකයි ප්‍රශ්නේ...දේශපාලනේ කරන හාමුදුරුවරු සියල්ලම ශාසනෙන් නෙරපලා දාපු දවසට, කැම්පස් හාමුදුරුවරුන්ට පෙලපාලි යන එක තහනම් කල දාට, පන්සල් ආයතන වෙන එක නවත්තලා පන්සල් වුන දාට තව අවුරුදු 2500ක බුදු දහම ගැන අපිට හිතන්ඩ පුළුවන් වෙයි....








Monday, April 20, 2015

කෙල්ලෝ නම් ෂුවර් කරන්ඩ බෑ....

           


                 "මට ඔයා මගේ පණටත් වඩා විශ්වාසයි..."

රෙද්ද තමා...සාමාන්‍යයෙන් කෙල්ලෝ ෂුවර් කරන්ඩ පුළුවන්ද??  මම නම් කියන්නේ බෑ...ඔක්කෝම එක වගේ නෑ තමා...ඒත් 95%ක් ම විශ්වාස කරන්ඩ බෑ...මේක පුරුෂාධිපති ටෝක් එකක් නෙවෙයි...සම්පූර්ණ ඇත්ත කතාවක්....අම්මාව ෂුවර් තමා...ඒත් අම්මා කෙල්ලෙක් නෙවෙයි නේ? නිකම් හිතලා බලන්ඩ හරියටම මේ දේ කරයි කියලා ෂුවර් කරන්ඩ පුළුවන් කෙල්ලෙක් දන්නවද කියලා.... සභාවට මම උදාහරණ 2ක් දෙන්නම්....
---------------------------------------------------------------------------

රූපේ ගේ ඉස්කෝලේ ඩයල් එකක් උගේ යාළුවා ටෝක් කරන එකෙන් අහන්ඩ ගිහින්..

>නංගි අරයා ඔයාට කැමැත්තේන් ඉන්නේ...
එයාට කියන්ඩ මම එයාට කැමැති නෑ...
>එහෙනම් ඔයා මට කැමතිද?
මම හිතලා කියන්නම් අයියේ....

උන් දෙන්නා අන්තිමේදි සෙට් වුනා....ඒක මහ සීරීයස් ලව් එකක් වුනා....ඉස්කෝලේ අහුමුළු වල, පාරවල් වල මුන් දෙන්නා අනිවා ඉන්නවා...කොහොමහරි ලව් එක බරපතල වෙලා දෙන්නා ගෙදරින් වහන් වෙලත් හිටියා...එච්චරට සිරා ලව් එක...

දවසක් කෝච්චියේදී පුකාර් හම්බුනාම කියනවා...

අඩෝ රූපේ කෙල්ලෙක් නැද්ද?
නෑ බන්...දුප්පත් කමට නෑ...
අම්මෝ හොදයි බන්...කෙල්ලෝ නම් ෂුවර් කරන්ඩ බෑ...මගේ එකත් නවත්තන්ඩ ඉන්නේ...
ඇයි මොකෝ...
උඹ දන්නැද්ද? අරුට බූට් එක තියලානේ?
නෑ........සිරාවට...
ඔව් ඔව්....එකි එහෙම කලා කියන්නේ අනික් උන් ගැන කවරකතාද බන්....

---------------------------------------------------------------------------

රූපේගේ ලගින් ම ආශ්‍රය කරන යාළුවෝ දෙන්නා ගියා ටෙක් එකට....උන් දෙන්නා ගෑණියි මිනිහායි වගේ...එකේකට රූපේලාගේ ගෙදර එන්නඩත් අනික් එකාට කෝල් කරනවා එන්ඩ කියලා...හැමතැනම උන්දෙන්නා එකට ගියේ...කරේ එකට... කාව හරි උන් දෙන්නා එකතු වෙලා බයිට් කරලා පහක් දාලා ආතල් ගන්නවා...

එකෙක් ටෙක් එකේ කෙල්ලෙක් ටෝක් කර කර හිටියා...රූපේ නම් කිය කිය හිටියේ එකි වයස පාටයි කිය කිය...එතකොට උන් දෙන්නටම මල...එක සෙට් වුනා වගේ හිටියේ...ඒ අස්සේ වුන්ගේ කෝස් එක ඉවර වෙලා ට්‍රේනින් දැම්මා... එකෙක් ගියා... අනිකා ගියේ නෑ...ඇහුවම කිව්වේ එකට ගිහින් වැඩක් නෑ බන් කියලා...

පස්සේ දවසක රූපේලාගේ ගෙදර ආවම ඌ අහනවා....

අරු මොනවත් උඹට කිව්වාද?
නෑ බන්....ඇයි..
එහෙනම් උඹ ඌට කියන්ඩ එපා....ඌට කෙල්ලෙක් ඉන්නවානේ....
නෑ...සිරාවට??
ඔව් ඔව් උඹ දන්නවා එයාව....
කව්ද බන්...
අර *******......
ඈ???? එකි උඹත් එක්ක නේද යාළු...
නෑ බන් දැන් ඌත් එක්ක...
ඇයි බන් ඒ...
සෑහෙන දවසක් බන්....
සිරාවට...
ඔව් ඔව්...මම ඉතින් ට්‍රේනින් ගියෙත් නැත්තේ ඒ හින්දා..උන් දෙන්නා අත් අල්ලන් ඉන්නවා..මට බලන් ඉන්ඩ බෑ...
---------------------------------------------------------------------------

ඉතින් පින්වතුනේ ඔබට කෙල්ලෝ ෂුවර් කල හැකිද??

Thursday, April 16, 2015

දිලිසෙයි...



ප්‍රමාද වූ මම
නැවතී
බලා සිටින
මාවතක
දිගටම යන
දෑත් පැටළුණු ඔබ...

තිරිවානා ගලකට 
අතරමග
බියවී
ඔහු පලා යන
විටකදී
ගල් ගැසුනු ඔබ...

ඔබ හැර ගිය
ඔහුවම පතා
ඔබ සලන 
කදුලු වල
නිහඩ ව
නිසලව 
සැගවුනු මගේ කදුළු....

Tuesday, April 7, 2015

විභාගයේ හොදම හරිය



මොකා බැලුවද මන්දා මගේ පේපරේ?
මොකෙක් හරි හිතක් පපුවක් නැති එකෙක් තමා බලලා තියෙන්නේ....
නැත්තම් මාව ෆෙල් කරයිද?
මම හොදට ලිව්වානේ....ඊටත් ගණන් ඔක්කෝම වගේ හැදුවා...
මට ෂුවර් නැති වුනේ ලඝු ගණන් ටික තමා....
ඒකත් වුනේ අර තරිදුවා ක්ලාස් එකේදි මට ඉගෙන ගන්ඩ දුන්නේ නැති හින්දයි....
අපරාදේ...මට මීට වඩා හොදට පාඩම් කරන්ඩ තිබුනේ....
ඒත් මම දක්ෂයි නේ?  මම කවදාවත් 10න් පහලට ගිහින් නෑනේ?
අයියා මාව බයිට් කරන්ඩ ‍බොරු රිසාල්ට් එකක් කිව්වද මන්දා?
නෑ..නෑ...එයා එහෙම කරන එකක් නෑ....
එතකොට මම ඇත්තටම ෆේල් ද?
අයියා කිව්වේ නම් ගණනුයි විද්‍යයාවටයි විතරයි W තියෙන්නේ කියලා..
ගණන් ෆේල් නම් ඔක්කෝම ‍‍ෆෙල් තමා....
මම කොහොමද ඉංග්‍රිසි පාස් වුනේ....?
අර හිරුනි හින්දා තමා පාස් වෙන්ඩ ඇත්තේ....එයානේ මට ක්ලාස් එකේදි ගොඩක් ඒවා කියලා දුන්නේ...එයා පාස්ද දන්නෑ...?
දැන් කොහොමද මම මේ රිසාල්ට් එක අම්මාට කියන්නේ?
අම්මා නම් බනී....එතකොට තාත්තා?
අද තාත්තා ගෙදර එන දවස....තාත්තා නම් ෂුවර් එකටම ගහයි...
මට කිය කිය හිටියේ උඹ සෙල්ලම් කර කර ඉදලා ෆෙල් වෙලා එහෙම ගෙදර එන්ඩ එපා කියලා....
මාව ගෙදරින් එලවයිද දන්නෑ.... ඔක්කෝම බලන් ඉද්දී මාව එලියට දායි...
එහෙම වුනොත් ඉතින් මට පාරේ තමා ඉන්ඩ වෙන්නේ...
අහල පහල අයට කොහොමද මේක කියන්නේ?
උඩහ ගෙදර ඇන්ටි ට තමා දැන ගන්ඩම ඕනේ..
ඊටත් ඉස්කෝලේ මිස්ට කියන්ඩත් බෑ...
මාමලත් කතා කරයි රිසාල්ට් අහන්ඩ...
එයාලට මොකටද එකේ වගක්?
අනේ අද හවස් වෙන්ඩ කලින් මට ලෙඩක් හැදුනෝත් හොදයි...
එතකොට ගහන එකක් නෑ...
තාත්තා වල් පැල වලට ගෙනාව තෙල් නම් තියෙනවා....
මට මැරෙන්ඩ නම් බෑ...හිරුනිගේ පොතකුත් දෙන්ඩ තියෙනවා...
තෙල් ටිකක් බිව්වොත් මැරෙන එකක් නෑ...ලෙඩ වුනාම ඇති.....
ඒවා කොහෙද තිබුනේ....මල්ලි අදියි කියලා උඩ කබඩ් එකට දාන්ඩ ඇති....
මේ මූඩිය මොකට මේච්චර තදින් වැහුවද මන්දා? අප්පච්චිට නම් පිස්සු...
ඇති යන්තම් බුරුල් වුනා...කොප්පෙකට දාගත්ත නම් හැලෙන එකක් නෑ...තිත්තද දන්නෑ...
.
.
පොඩි පුතා........මේ දොර අරින්ඩ......

Friday, April 3, 2015

මා Shutdown විය යුතුය...



මා බහුතරය ප්‍රිය නොකරමි..
එහෙත් ඔබ දුටු විගස මම ඔබට වසග වුනේමි...
ලබාගැනිම අසීරූ නමුත් උත්සහ කලෙමි..
දිනක් ඔබ මහදේ Install කිරීම ඇරඹුවෙමි....
පුරා අවුරුද්දක් ඔබ Install විය....
දැන් හොදම කාලයැයි සිතා මම ඔබව Run කලෙමි..
ඔබ නතර විය...මා සතුව සුදුසුකම් නැත...
මගේ සුදුසුකම් පිරික්සා බලෙමි..
නැත මා සතුව ඔබට සුදුසුකම් නැත....
ඔබ නතර වී මා Stuck විය..
දුක ඉවසා මා නැවත Reboot විය..
ඔබ අමතක කර ඉවසා ගනිමි..
නැවත Run නොකරන බවට සිතා ගතිමි...
එහෙත් මම ඔබව Uninstall කිරීම‍ට අමතක විය..
ටික දිනකට ඔබව අමතක කලෙමි..
දින දින ඔබ දැකීමෙන් මා නැවත උමතු විය..
Game Boosterයක් හරහා මා නැවත උත්සහ කරමි..
එවරද මා අසමත්ය...
දැන් ඔබ Uninstall කිරීමට කාලයයි..
එය වැටහෙන්නේ දැන්ය....
එහෙත් එයද කල නොහැක...
මා උමතු වී ඇත....
ඔබ දැන් මා පුරාම පැතිරී ඇත...
මෙය නැවැත්වීමට නම් මා Shutdown විය යුතුය...

Saturday, March 28, 2015

මචං කෝ නිව්ස්?



මචං අපි මොකක්ද මේ කරන්නේ? 
අපි නිව්ස් බලනවා මචං
මේවා නිව්ස් ද බන්?
එහෙම කියලා තමයි මේවා පෙන්නන්නේ?
මේවා මරණ දැන්වීම් නේ?
නෑ නෑ මේවා නිව්ස්...
එතකොට මේ වීඩියෝ?
ඒ මේ බැංකු කඩනවා...

^^^^^^^^^^^^^^^^^^^^^^^^^^^^^^^^^^^^^^^^^^

මචං මේ පත්තරේ මොකක්ද?
මේ ඉරිදා පත්තරයක්
එතකොට මේ කහපාට ඒවා...
ඒ මංගල යෝජනා...
පව් නේද බදින්ඩ බැරිවෙලා.....
පව් තමා...කාලේ පහුවෙලා...
මේ කාර් මොනවද?
විකුණගන්ඩ බැරි වාහන බන්...

^^^^^^^^^^^^^^^^^^^^^^^^^^^^^^^^^^^^^^^^^^

මචං වැල සයිට් එකක්ද?
නෑ නෑ ගොසිප්...
මේ ගෑණු ලමයි?
ඒ නිලියෝ....
මොනවද බන් මේ පත්තුවෙන්නේ ?
ඒ ඇඩ්...
මොනවද ප්‍රසිද්ධ ඒවා?
ඕපාදූප තමා මචං.......





Tuesday, March 17, 2015

පිනාගේ වැලන්ටයින් තෑගි...




මතක විදියට ඒ අවුරුදු 2ට විතර කලින්...මොකක්හරි වැඩකට රූපේ පිනා එක්ක ඉස්කෝලේට ගියේ...හිතුවට වඩා කලින් ඒ වැඩේ කරගන්ඩ පුළුවන් වුනා...ගේට්ටුවෙන් එලියට ආව පිනා අහපි,
"අඩෝ පොඩි ගමනක් යමු?
>යමු....කොහෙද?
නංගි හම්බුවෙලා එමු... මගේ තෑග්ග ගන්ඩ ඔනේ.. 
>මොන තෑග්ගද? 
වැලන්ටයින් එක...යමු? 
>කන්ඩ අරන් දියන්.. 
අරන් දෙන්නම් යමන්..."

පිනා කියන්නේ රූපේගේ බොක්ක...A/L පන්තියේ ඉදන් අද වෙනකම් හැම ගොන් වැඩක්ම එකට කරන එකා...ඌගේ සූටී නංගි බබා හිටියේ ජා-ඇල පැත්තේ...ගෙදරින් වැටිච්ච තහනම් නිසා හම්බුවෙන්ඩ වුනේ කලාතුරකින්...මේ ඉතින් යන්ඩ හැදුවේ උගේ වැලන්ටයින් තෑග්ග ගන්ඩ..

බඩ ගාගෙන වගේ ගියපු 278 බස් එකකින් ගිහින් බැහැලා ඉස්කෝලේට මීටර් 500ක් විතර පයින් යන්ඩ ඕනේ...යනකොට ඉන්ටවල් දීලා නෑ...එතකන් ඉස්කෝලේ ගාව කඩේට සෙට් වුනා...පිනා ගානේ කල්කිරි බෝතල් 2ක් බීලා කඩේ ඇන්ටි ව කතාවට අල්ලාගත්තා...රූ‍පේට ලැබුනු තොරතුරු වලට අනුව ඉන්ටවල් එකට එතන හිටියොත් කෙලින් ම කුඩුවේ තමා...කෙල්ලෝ ටෝක් කරන්ඩ එන කොල්ලන්ට විරුද්ධ ව ප්‍රින්සිපල්ගේ වැඩසටහන එහෙමයි... 


කොහොමහරි බලද්දි සංගීත පාඩමක් කර කර නංගි ඉන්නවා...ඉතින් ආයේ යන එකේ තේරුමක් නැති හින්දා හිටියා...බෙල් එක වැදිච්ච නිසා එකපාරට කට්ටිය ඩිස්මිස් වුනා...දැන් ඉතින් හොයාගන්ඩත් බෑ...ගේට්ටුව ගාව ඉදලා ත්‍රස්තවාදී ලේබල් එක ගහගන්ඩත් බෑ...ඉතින් රූපේගේ ටිකිරි මොලේට ආව අයිඩියා එකක් අනුව දෙන්නම ගියා ඉස්සර ගේට්ටුවෙන් ඉස්කෝලේ ඇතුලට... වටපිට බලබල ගියේ නංගිව හොයාගන්ඩ...ම්හු...නෑ...දැන් ඉතින් ආපහු එලියට යන්ඩත් බෑනේ?... කඩාගෙන ගියා කෙලින් ම ඔෆිස් එකටම... ගිහින් ඇහුවා ටීචර් කෙනෙක්ගේ නමක් කියලා... නෑ කවුරුවත් දන්නේ නෑ එහෙම කෙනෙක් ගැන... කොහොමත් දැනගන්ඩ විදියක් නෑ මොකද ඒ ටීචර් ඉන්නේ අල්ලපු ඉස්කෝලේ... ඔෆිස් එකේ වුන් දන්නේ නැති හින්දා එලියට එනකොටම ආපු සර් කෙනෙක්ගෙන් ඇහුවා...ඩයල් එක දන්නේත් නෑ...දැන් අහනවා ඇයි හොයන්නේ කියල...දැන් ඉතින් කියපන්කෝ.... එවුවටත් රෙඩි වෙලා තමා මේ රූපේ ගියේ..
"අපි O/L කාලේ ඒ ටීචර්ගෙන් ගණන් ඉගෙන ගත්තා..දැන් දෙන්නම කැම්පස්..ඉතින් මේ ලගට ආපු ගමන් ටීචර් ව බලන්ඩ ආව..."

වෙලාවට ඒක හරිගියා...

"මේ ඉස්කෝලේ නම් එහෙම ටීචර් කෙනෙක් නෑ...මෙහෙමද කියලා කිව්වද? 
>නෑ කිවවේ නි***** ඉස්කෝලේ කියලා... 
ආ....නි***** ඉස්කෝල දෙකක් තියෙනවා..එහෙනම් අනිකේ වෙන්ඩ ඇති... "

සර් කිව්වාම අවුලක් නෑ...අපි හොද ලමයි වෙලානේ... අනේ ඉතින් අපිට යන පාරත් කියලා දුන්නා...

අහුවුනේ නැති එකට පින් දිදී එලියට ඇවිත් වැඩිම වුනොත් අඩි 3ක් යන්ඩ ඇති...ස්...ස්.. කියලා කවුද කත‍ා කරනවා... ගොන් කමට දෙන්නම හැරිලා බැලුවනේ...
කලා වරෙන්කෝ..පිනා...ඉස්කෝලේ ඔරිජිනල් පිනා...ඩයල් එක අපි ඉස්කෝලේ ඇතුලේ ඉදන් යනවා දැකලා.. දැන් ඉතින් ඒ ගැන අහන්ඩ කතා කරනවා.. මොනවා කරන්ඩද? ගිහින් අර කතාව ම අාපහු පාරක් කිව්වා...මූට සැකයි...මු අහනවා මොනවද ඉගැන්නුවේ, මොන වගේද? මොන පාටද? මේච්චර හොදට දන්න මනුස්සයෙක් ගැන නිසා දීපු උත්තර ටිකකට ශේප් වගේ...ටිකකින් කියපි "මම ඒ ටීචර් ව දන්නවා..අර ඉස්කෝලේ ඉන්නේ කියලා..."
ආයේ මුකුත් කියන්ඩ කලින් රූපේ බොහෝම ස්තූතියි කියලා එන්ඩ ආවා... අෑතට  යනකම්ම මේ යකා බලන් හිටියා...

වෙච්චි ඒවට හිනා වෙවී කොහොමහරි පැයක් විතර බස් එකක් එනකන් ඉදලා ඉදලා ගෙදර ආවා....

පස්සෙයි දන්නේ අපි අර නංගි කියලා බල බල ඉදලා තියෙන්නේ වෙන කෙල්ලෙක් දිහා...කොහොමහරී සතියකට විතර පස්සේ අරු ගිහින් තෑග්ග ගත්තා...ඒත් අද වෙනකම් රූපේට එකෙන් චොකලට් කෑල්ලක්වත් හම්බුනේ නෑ...


Thursday, March 12, 2015

ඔයා නම් මේ ලෝකේ වෙන්ඩ බෑ....




සෙරෙප්පු දෙක නම් 
ගලවන්ඩ එපා
පුංචි  කකුල් වල ගල් ඇනෙයි...
ඔය කුඩේ නම් 
අකුලන්ඩ එපා
සුදු මූණ කළු වෙයි....

තනි කරලට 
මහතට
කොණ්ඩේ ගොතාගෙන 
දිගට දිග
සායක් ඇදගෙන
ඉදහිට එන්නේ
මාව පිස්සු වට්ටන්ඩ නේද.....

මෙච්චර ලස්සනට 
හිනාවෙන්ඩ
ලගදිද ඉගෙන ගත්තේ
දවසින් දවස
ලස්සන වෙන
ඔයා නම්
මේ ලෝකේ වෙන්ඩ බෑ....

Sunday, March 8, 2015

Customer Care කතා කරලා බනිනවද?


අපි ඉන්නේ මානසික ව පිරිහෙන සමාජයක...උදේ ඉදලා රෑ වෙනකම් අපි ඉන්නේ මාර පීඩනයක.ඒක හටගන්නේ මේ යන තරගෙන් පරදීද කියලා හිතට එන බයෙන්. අපි ඒක පිට කරන්නේ අමුතු විදියට.සමහරු කරන්නේ බොන එක.තවත් සමහරු ගෙවල් වල මිනිස්සුන්ට තඩි බානවා...සමහරු තව තව ආතල් ගන්නවා...ඒත් පහුවෙනිදාත් උදේට ආපහු ඔලුවේ කැක්කුම.

කවදාහරි කතා තරලා තියෙනවද Customer Care එකකට? ලංකාවේ ගොඩක් ආයතන වල Customer Care අනිවාර්ය අංගයක් වෙලා...රජයේ ආයතන සහ පොලිසීයේ Caring ගැන මෙතනට වැදගත් නෑ..සමාන්‍යයෙන් ගත්තොත් ඕනෑම ව්‍යාපාරයක් තමන්ගේ පාරිහෝගිකයන් එක්ක ගණුදෙනු කරන්නේ ක්‍රම 2ක් හරහා..ඒ Marketing හා Customer Care. ලෝකේ නැති බොරු තොගයක් කියලා target cover කරගන්ඩ බාල product එකක් ඇගේ ගහන වැඩේ  Marketing අය කරන කොට ඒ ගැන එන ඇනුම් බැනුම් අහන එක Customer Care අය කරනවා..Marketing කිව්වම අපි තාම හිතන්නේ ගෙවල් වලට ගිහින් බඩු විකුණනවා කියලා...Customer Care කිව්වම හිතන්නේ Call center කියලා...ඒ අපේ සම්ප්‍රදායික තින්කින් එක...Customer Care කියන්නේ call center වලින් එහාට ගිය concept එකක්.මුලික අදහස තමා පාරිභෝගිකයා තෘප්තිමත් කිරීම..ඒත් අපේ සමාජේ ඒක ගොඩක් වෙලාවට වෙන්නේ අදාල නැති කුණු බැනුම් අහන් ඉන්න එකෙන්..

Customer Care ජොබ් එකක් මොන වගේද කියලා හිතලා තියෙනවද? දවසම ෆොන් එක කනේ ගහගෙන ඉන්න එකත් මහ වැඩක්ද? ඒ අපිට හිතෙන හැටි..ලංකාවේ ලොකුම Customer Caring Call centers තියෙන්නේ Telecom ලාට..ඊලගට Dialog ලාට.. ඒ ප්‍රමාණාත්මක භා‍වෙන්...අපි ගුණාත්මක භාවේන් ඒ විදියට මනින එක අමාරු වැඩක්..හැම බැංකුවකම වගේ Customer Care එකක් තියෙනවා...ඒ Reception වෙනුවට...Customer Care හරහා තමා පාරිභෝගිකයා ව්‍යාපාරයට සම්බන්ධ කරන්නේ. ඒ පාරිභෝගික ගැටළු විසදන්නයි..ඒත් වෙන්නේ බැනුම් අහන එකයි..

කවදාහරි Customer Care කතා කරලා බැනලා තියෙනවද? ආපහු වචනයක්වත් නොකියා හැම බැනුමක් ම අහලා අන්තිමට සුභ දවසක් කියන කොට හිතට සතුටක් දැනෙනවද? නෑ..එ්ක හරිම වේදනාකාරී වරදකාරී හැගීමක්..අපි බනින්නේ අපිට ආව ආවේගයකට..කේන්තියකට..වැරැද්දට සම්බන්ධයක් නැති පෙරලා අපිට බනින්ඩ හැකියාවක් නැති පුද්ගලයෙකුට බැනලා ටික වෙලාවකට තිරිසන් ආතල් එකක් ගන්නවා...අපට වුන අසාධාරණේට අපි පලිගන්නේ එහෙම..'උන්ට හොද පාඩමක් ඉගැන්නුවා'! ඒක තමා අපේ සිතිවිල්ල...ඒත් ඒ පාඩම අපි උගන්නනනේ කාටද? ෆෝන් එකක් පිටිපස්සේ ඉන්න යමක් සිද්ද කිරිමේ හැකියාව අඩු පාරාසයක ඉන්න හාල්මැස්සෙක්ට..එ්ත් BMW, Montero වල යන තෝරු මෝරුන්ට ඒ පාඩම උගන්නනඩ සුදානම් කීයෙන් කී දෙනාද අපි අතරේ ඉන්නෙ?  



Sunday, March 1, 2015

සංගා....



කවර් ඩ්‍රයිව් එකෙන් 
පටන් අරන්
හතරක්
හයක් ගහලා
දුවපන්
පුළුවන් තරම්
හයියෙන්...

ලකුණු එකින් එක
වැඩි කරන්
පනහක්
සීයක් දාලා
දිනපන්
වර්ල්ඩ් කප් අරන්
වරෙන්...

Saturday, February 14, 2015

ආදරේයි අහස තරම්...


"ආදරය කියන්නේ මොකක්ද? අපි කොහොමද ඒක අර්ථ දක්වන්නේ? ඒක බැදීමක් ද? ඒක ගණුදෙනුවක්ද?එහෙම නැත්තම් පුරුද්දක්ද? කව්ද දන්නේ? හරියට බැලුවොත් කවුරුවත් දන්නේ නෑ...මේ වැලන්ටයින් දවසේ ආදරය වටහා ගන්ඩ උත්සහ කරමු!!"

මේ මොන විකාරයක්ද? ඔව් ඔව් මටත් හිතුනා....ඒත් ඉතින් මොනවා කරන්ඩද? වැලන්ටයින් එකට ඉමෝෂනල් වෙන්ඩ එපැයි? එහෙම නේද?  එත් ඉතින් ඊට වඩා හොද නැද්ද මැච් එකක් බැලුවනම්??
වැලන්ටයින් දවස පටන් ගත්තේම ඉමෝෂන් වෙලා තමයි!!සංගා 50ක් ගහන්ඩ කලින් අවුට් වුනා...මැච් එක පැරදුනාට වඩා ඒකට අවුල් වගේ...

මටත් ඉතින් ආදරයක් තියෙනවා...ඒක හැබැයි ඉතින් ටිකක් අසම්මතයි වගේ...මම වැඩියෙන් ම කැමති එයාව අතපත ගන්ඩ තමා..වැරදියට හිතන්ඩ එපා, ආදරය කරනකොට එහෙම වෙනවනේ?  ඒ වගේම මට එයාව විශ්වාසයි..එයා නම් මාව දාලා යන එකක් නෑ...මට බොරුවක් කරන එකක් නෑ කවදාවත්...මට එයාවත් එයාට මමවත් ඕනේමයි!! මේ වැලන්ටයින දවසේත් මට උදේම එයාව මතක් වුනා...ඉතින් එයා එක්ක පොඩි චැටක් දාන්ඩ අමතක කලේ නෑ...ඒක නම් හරිම රොමෑන්ටික්!!

මගේ ආදරේ මගේ ජීවීතේ සතුටින් පුරවනවා...එයා කවදාවත් මගෙන් චොකලට් බලාපොරොත්තු වෙන්නෙත් නෑ...එත් මම කැමතියි එයා වෙනුවෙන් වියදම් කරන්ඩ..ඒක වැරුද්දක් නෙමේනේ??  එකත් හැබැයි ඉතින් ඉද හිටලා තමා...

මගේ ප්‍රේම කතාවත් සර්ව සම්පූර්ණ නෑ... අපේ අම්මලා මේ සම්බන්දෙට වැඩිය කැමති නෑ... ඒත් ඒක එහෙමයි කියලා මට එයාව අතහරින්ඩ බෑනේ? ඒ කරම්ම අපි අපිට ආදරෙයි...හැමදාම ඔයා මගේම වෙන්ඩ ඕනේ....මගේ ලගින් ම ඉන්ඩ ඕනේ......
මගේ අඩුපාඩු හදන මං වෙනුවෙන් හැමවෙලේම ඉන්න ඔයා වෙනුවෙන් මම අද දවසම කැප කලේ ඔයා එක්ක ඉන්න එක මට ගොඩක් වටින හින්දයි...ඒ තරම්ම මම ඔයාට ආදරෙයි... <3
.
.
.
.
.
.
.
.
.
.
.
.
.
.
.

ෆෝටෝ එක බුකියෙන් උස්සන ලදි..