Friday, October 31, 2014

ආ‍දරේ කියනා දේ....


සොවින් බර වු සුසුමකින්
කියනා දේ...
දිලිසෙන දෙනෙතකින්
පෙනෙනා දේ....
හැගුමින් පිරිණු හදවතකින්
ගලනා දේ....
තවම නොවැටහුණි මට 
ආ‍දරේ කියනා දේ....

Tuesday, October 28, 2014

Facebook ද? tsu ද?


Facebook වලට ගෙදර යන්ඩ වෙයිලු...අලුතින් ආපු tsu අපිට ගෙවනවලු.....





අපි දන්න Facebook


  • Facebook පටන් අරන් දැන් අවුරුදු 10ක්..
  • බිලියන 1.32 ක ඇක්ටිව් යුසර්ස්ලා ඉන්නවා..
  • එයින් මිලියන 829ක් හැමදාම Facebook එන අය...
  • එන කෙනෙක් Facebook වල ඉන්න සාමාන්‍ය කාලය විනාඩි 20ක්
  • Facebook එන අයගෙන් 42%යි පිරිමි
  • Smartphone වලින් Facebook එන අය දවසට 14 වතාවක් Facebook එනවා
  • චීනයේ 2009 ඉදන් Facebook තහනම්
  • Facebook යුසර් අකවුන්ට් වලින් 8.7% ම fake ඒවා...
  • හැම විනාඩියකටම සැරයක් මිලියන 1.8ක් Likeකරනවා

හැමෝම දන්න Facebook එකේ සාමාන්‍ය වගතුග ඔහොමයි...







උණු උණු tsū



අලුතින් ම ආපු රැල්ල තමා මේක...කලින් ආව Elloට වඩා මේක මිනිස්සු අතරට ගියා..ඒ ඉතින් වෙන මොකක්වත් නිසා නෙවෙයි සල්ලි නිසා...අපිට  tsū වලින් සල්ලි දෙනවා කිව්ව ගමන් කට්ටිය කුලප්පු වුනා...facebook වල හිටියාට අපිට සතයක්වත් ලැබෙන්නේ නෑ..කාලේ නාස්ති වෙන එක විතරයි වෙන්නේ...එහෙම එකේ සල්ලි දෙනවා කිව්වාම....රූපේ මුලින් මේ දැක්කම හිතුනේ මොකක් හරි ජෝගියක් වෙන්ඩ ඇති කියලා... Account එකක් එහෙම හදලා පොඩ්ඩක් වටපිට බලනකොට ඒක එපා වුනා...facebook එකෙත් හැම එකාම invitation දාගෙන දගලනවා... ‍සල්ලි දෙන්නේ අපිට ආදරේට නෙවෙයි..ඒකට එන ගාන වැඩි කරගන්ඩ... ආදායමෙන් 10%යිලු එයාලා ගන්නේ..ඉතිරිය අපිට දෙනවා කියලා තමා කතාව...බට් ඒක දෙන්නේ අර ජංජාල පිරමීඩ ක්‍රමේටලු... අපි එකතු කරගත්ත අය උපයන එකෙන් අපිටත් ගානක් තියෙනවා...ඒකත් වැඩවසම් ක්‍රමය වගේ තමා...

තාම කවුරුවත් මේකෙන් සල්ලි අරන් නෑ...අනික ඒක ගන්ඩ පුළුවන් වෙන්නේ $100ක් උනාමයි...රූපේ දැකපු විදියට friends ලා 150+ වැඩිය ඉන්න රූපේගේ යාළුවෙකුට සතියකට ම එකතු වෙලා තියෙන්නේ $0.01 යි... ඒ විදියට ගියොත් ඒ ගැන කතා කරලා වැඩක් නෑ...$100 එකතු කරගන්ඩ අවුරුදු 20ක් විතර යයි... දැනට ඉතින් මේක ගැන අපිට මුකුත් කියන්ඩ බෑ...මේක ඇත්තද බොරුද කියලා දැනගන්ඩ තව කල් යයි...ඒකපාරට මේක නැතිවෙන්ඩත් පුළුවන්..එහෙම නැත්තම් facebook වැහෙන්ඩත් පුළුවන්...එතකන් අපි ඉතින් හැමදාම වගේ දෙන දෙයක් කාලා වෙන දෙයක් බලාගෙන ඉමු ආ‍යුබෝවන්ඩ.....


ප.ලි -  ‍මේක දැනුයි දැක්කේ.....facebook වල URL එකේ අන්තිමට 4 ඉලක්කම type කරාම කෙලින්ම යන්නේ Mark Zuckerberg ගේ Profile එකට  (https://www.facebook.com/4)   ට්‍රයි කරලා බලන්ඩ.....


Sunday, October 19, 2014

98න් අවුට් වුනා....


ඔක්තෝම්බර් මාසේ පටන් ගත්තේ ම නියම විදියට..දෙවැනි සතියේ මුලදීම අතාගේ සීයා නැති වුනා...හෙව්වට හම්බු වෙන්නේ නැති වෙන්ඩම නැති වුනා...සීයා 100ක් ගහයි කියලා හිතුවට 98 අවුට් වුනා....රෑ වෙච්චි සීන් එක හින්දා පහුවෙනිදා දවල් වෙලා රූපේ ඒ පැත්තේ ගියේ පොඩ්ඩක් ඔලුව දාලා ඔපිස් ගිහින් ම නයිට ගහන්ඩ එනවා කියලා හිතාගෙන...අතාල් එකේ යන ගමන් කල්පනා කර කර ගියේ නෙස්කැෆේ තිබුනොත් එල කියලා....

අපොයි!! මුකුත් වෙනසක් නෑ වගේ...කවුරුවත් පෙන්ඩ නෑ...සීන් එක හරියටම ෂුවර් නැති නිසා අතාට මැසේජ් එකක් දැම්මා එලියට වරෙන් කියලා....ටිකකින් මූ එනවා පිහි දෙකක් අරගෙන....
"අඩෝ වරෙන් පාර සුද්ද කරන්ඩ ඕනේ!!... 
අඩෝ මොකද වෙන්නේ බන්?? 
ඩයල් එක මලා බන්...උඹ අවේ හොද වෙලාවට...වැඩ කෝටියක් තියෙනවා..."

ඔන්න ඔහොම රූපේගේ මල ගෙදර ආතල් පටන් ගත්තා....හැම මලගෙදරකම වගේ තියෙන හැම අංගයක්ම අඩුපාඩු නැතිව තිබුනා....ඇයි වැස්ස? එකෙන්නම් කිසිම අඩුවක් තිබුනේ නෑ.... කොහොම හරී රෑ 10 විතර වෙනකොට නයිට ගහන සෙට් එක ඔක්කෝම ආවා.....පුරුදු විදියට සුප්පා ඕමි ගැහිල්ල පටන් ගත්තා....ඒ අස්සේ කාවහරී බයිට් කරන එකත් නියෙමට තිබුනා....

රෑ 12.30 විතර අතාගේ සීයා ආවා.....අතාගේ ගෙදරට වාහනයක් එන්ඩ බෑ...පාර ගාව ඉදන් මීටර් 20ක් විතර පඩි වලින් කන්දක් නැගලා තමයි යන්ඩ ඕනේ....ඉතින් පහල ඉදලා රූපේලාගේ සෙට් එක එක එක ආම්පන්න ගෙදරට අරන් ගියා....මතක විදියට රූපේ මුලින් ම ගිහින් තිබ්බේ අර ඇත් දල දෙක....Herse එක ආව වෙලාවේ ඉදලා පටන් ගත්ත පොදය වැඩි කරපු නිසා පෙට්ටිය Herse එක ඇතුලේ ම විනාඩි 45ක් විතර තිබ්බා....අන්තිමට අඩු කරපු වෙලාවේ කට්ටිය ගිහින් පෙට්ටිය උස්සන් කන්ද තරණය කරන්ඩ පටන් ගත්තා...සෑහෙන ගේමක් දීලා උඩට ගෙනත් ගෙදර ගාවට ගිහින් අතුලට යන්ඩ හදනකොට අතාගේ ලොකු තාත්තා අවා පට්ට කතාවක් කියාගෙන...


"stand එක ගෙන්ඩ අමතක වෙලා....  
අමතක වෙලා???? Herse එකේද?
නෑ නෑ ඒක මල් ශාලාවෙලු....!

 පනාගොඩගේ අ........

Saturday, October 4, 2014

මම මිනීමරුවෙක්.!!!!


ඔව් ඒක තමා ඇත්ත.
මම මිනීමරුවෙක්.
මම කාව හරි මරන්ඩයි යන්නේ.
එහෙම නැත්තම් මම දැනටමත් මරලා.
ඒක මම කලේ නැති වුනත් ඒක එහෙම වුනේ මම නිසා.
මට තිබුනා ඒක නවත්තාගන්ඩ.
එත් මම එහෙම නොකරපු හින්දා කවුරුහරි මැරෙන්ඩයි යන්නේ.
සමහරවිට ඒ මම වෙන්ඩ පුළුවන්.
එහෙම නැත්තම් ඒ ඔයා වෙන්ඩ පුළුවන්.
සරලව කිව්වොත් මගේ අතේ ලේ....
එක සුළු වැරදිමකට කොච්චර ලොකු විනාසයක් කරන්ඩ පුළුවන්ද??


එත් ඒක සම්පූර්නයෙන් ම වගේ මගේ වැරද්ද නොවෙන්ඩ පුළුවන්.
ඒක වුනේ මම හිතුවෙවත් නැතිවෙලාවක...
කොච්චර ඉක්මනට මම ප්‍රතිචාර දැක්වූවත් මම පරක්කු වුනා...
ඒ තත්පර බාගේ වෙනසට ඒ අවස්තාව මගේ අතින් ගිලිහුනා.
මම මුළු ලෝකයක්ම අනතුරේ දැම්මා.
දැන් ඉතින් ඒ ගැන හිතලා වැඩක් නෑ.
වෙන විනාසයෙන් ‍බේරෙන්ඩ හදන එක විතරයි කරන්ඩ පුළුවන්....
මට තියෙන්නේ තෝරාගැනීම් 2ක් විතරයි....

1.එක්කෝ මම Net එක දාගෙන නිදාගන්ඩ ඕනේ..
 2.නැත්තම් මම ඔක්කෝම මදුරුවෝ මරලා දාන්ඩ ඕනේ..

දෙවැනි එක වැඩක් වෙන්නේ නෑ වගේ.මොකද මේ දැන් මදුරුවෙක් මගෙන් බේරිලා ගියා...ඒ නිසා ඔබේ මිනීමරුවා මම වෙන්ඩ පුළුවන්....