Tuesday, September 30, 2014

ඔබත් පාාස් ද???


මෙන්න දැන් ලැබුනු විභාග ප්‍රතිඵලයක්....ලකුණු 160ක් ලූ....
අනේ අ‍පොයි! එත් මේ පොඩි එකා ෆේල් ලූ....පිස්සු හැදෙනවා ඒක ඇහුවම.....‍පේපර් 2ටම 80 ගානේ අරගෙනත් ඌ ෆේල්....පව් අප්පා....



රූපේ ලියන දවස් වල 137න් බැලුවේ...අවුරුදු 10ට 12ට ලකුණූ ගාන 25න් විතර වැඩිවෙලා....එත් ඉතින් උගන්වන එවායේයි අහන ඒවායේයි වැඩි වෙනසක් වෙලා නෑ....එහෙනම් ලමයි දක්ෂ වෙලා ද?

ශිෂ්‍යත්වෙට කියන්නේ අම්මලාගේ විභාගේ කියලා....ඒ තරමට දෙමව්පියෝ මේ විභාගේ ගැන උනන්දුයි..ගමේ ඉස්කෝලේ ඉදලා ලොකු ස්කෝලේකට යන්ඩ තියෙන හොදම චාන්ස් එක තමා ශිෂ්‍යත්වේ....ඉතින් පොඩි එවුන් ක්ලාස් යවනවා අම්බානකට....ඉස්කෝලේ ඇරිලා කෙලින් ම ක්ලාස් එකට....ක්ලාස් එකෙන් ගෙදරට.....ගෙදරින් ඉස්කෝලේට....ඕක තමා ඒ චක්කරේ....

රූපේට ශිෂ්‍යත්වේ එපා වුනේ 5 වසරේ ඉදලා....ස්කෝලේ උගන්වපු සර් ලමයින්ට ඉගැන්නුවේ ආමි එකේ ට්‍රේනින් වගේ.... ඒ අස්සේ සර් දෙමල පන්තියක් දැම්මා.....ඒකට එන්නේ නැති ලමයින්ට ලැබුනේ වේවැල් කසාය.....ඒක කට් කරලා රූපේ ගුටි කාලා ඇති ඕන පදම්.....

රූපේත් ශිෂ්‍යත්වෙට පන්ති ගියා....ඒ 4 වසරේ ඉදලා....බට් ඉතින් ඒකත් ඉස්කෝලේ වගේ....මොකද ඉස්කෝලේ ලමයි ඔක්කෝම වගේ ගියේ සමාධි එකට....ඒ කාලේ හිටපු හොදම සර් තමා බෝගහවත්ත සර්.... පලාතේම හිටපු උන් ගියේ ඒ සර් ගාවට....රූපේගේ ජිවිතේ හම්බුවෙච්චි හොදම ගුරුවරුන්ගෙන් එක්කෙනෙක් තමා බෝගහවත්ත සර්...

අනිත් සර්ලා clz වල ලමයින්ට පෑන් වලින් ලියන්ඩ දෙනකොට අ‍පේ සර් ලියන්ඩ කිව්වේ පැන්සලෙන්...පිටපත් ලීවීම පැන්සලෙන් ලස්සනට ලියනකොට තමයි පෑනෙන් ලියන්ඩ අවසර හම්බුවෙන්නේ....පෑනෙන් ලියනවා කියන්නේ හෙන ලොකු වැඩක්.....ළමයි සැහෙන්ඩ ගානක් අත් අකුරු ලස්සන කර ගත්තා ඒ හින්දා....

දවසක් රූපේ වාක්‍ය රචනයකට ලිව්වේ සත්තුන්ට වඩා මිනිසා උසස් කියන මාතෘකාවට....සර් ලිව්ව ඒක බලලා හිනා වෙලා එදා පාඩම අක්ෂර වින්‍යාසයට මාරු කරා....ඒ රූපේගේ වචන දැකලා.....රූපේගේ මාතෘකාව තිබුනේ,
                 "සතුන්ට වඩා මිනිසා උස්සස්"

Friday, September 26, 2014

කවුද වැටුනලූ.....



ලේ දන් දීම ගැන මොකද හිතන්නේ?? ඒක ලොකු පින්කමක් තමා..පුළුවන් හැටියට සහභාගී වෙන්ඩ ඕන පුන්‍යකර්මයක්.... සැප්තැම්බර් ම‍‍ාසේ රූපේලාගේ පන්සලේ ලේ දන් දීමේ පින්කමක් තිබුනා..අනේ ඉතින් Clz කට් කරගෙන රූපේ ගියේ අතාත් එක්ක... බර මැනලා දීපු ෆෝම් එකත් පුරවලා පෝලිමේ වාඩි වුනේ ඩොක්ටර් ගාවට යන්ඩයි. විනාඩි 15කට පස්සේ ලේ ගන්න බෑග් 4ක් එක්ක ගිහින් ඇදකට සෙට් වුනේ ඒ මහා පුන්‍යකර්මයටයි..ලස්සන මිසී කෙනෙක් ඇවිත් නම ගම අහලා ලේ ගන්ඩ පටන් ගත්තා... ලේ දෙන තුන්වෙනි පාර හින්දා රූපේ හිටියේ මාර කොන්ෆිඩන්ට් පිට...ඇයි ඉතින් ආයේ වෙන දේවල් ඔක්කෝම දන්නවනේ..විනාඩි 20ට විතර ලේ දීපු ගමන් ඇදෙන් නැගිට්ටේ ගිහින් මයිලෝ එකක් ගහන්ඩයි...රූපේට මතක විදියට අඩි 10ක් විතර ගියා...ඇස් දෙක නිලංකාර වෙලා යනවා අන්තිමට මතකයි....එකපාරට ඇස් දෙක අරින‍ කොට අතා එබීගෙන ඉන්නවා...ෂුවර් එකට හීනයක් වෙන්ඩ ඕනේ කියල‍ා ආපහු ඇස් දෙක පියා ගත්තා...එතකොට තමා සීන් එක මතක් වුනේ....ටක් ගලා නැගිටිනකොට මිසී කෙනෙක් ආපහු ඇදට දැම්මා ඔහොම ඉන්ඩ කියලා.....අපොයි විලි ලැජ්ජාවේ බෑ.....හැමෝම බය වෙලා වගේ බලන් ඉන්නවා....ටිකකින් නැගිටලා ගිහින් අතාගෙන් වෙච්චි සීන් එක ඇහුවම රූපේට පිස්සු වගේ.... කලන්තේ දාලා වැටෙන්ඩ ගියාලූ....එතකොට ලේ දීලා හිටපු අතා ඇවිත් අල්ලාගෙන ඇදට දැම්මාලූ....මයිලෝ එක ගහන ගමන් රූපේ කල්පනා කරේ මේ වෙච්චි ලැජ්ජාව ගැනයි.... ගෙදර ඇවිත් ගෙදර මිනිස්සුන්ට කිව්වට අද වෙනකම් ඒ අය ඒක විශ්වාස කරන්නේ නැත... 

එදා හවස අතාට කඩේ දී එකෙක් හම්බු වෙලා ඇහුවලු උඹලා ලේ දෙන්ඩ ගියා නේද කියලා....ඕව් කිව්ව ගමන් අරු හිනා වෙවි කිව්වලු අඩෝ එකෙක් වැටුනලු නේද කියලා....දන්නේ නෑ බන් අපි යන්ඩ කලින් වෙන්ඩ ඇති කියලා අරූ ආවලු....ඔන්න ඔය වගේ සමාජෙක තමා අපි ජිවත් වෙන්නේ...කවුරුහරි හොද වැඩක් කරන්ඩ ගියාම හිනාවෙන, ඒකට උදවු කරන්නේ නැතුව වැරදි හොයන උන් දැන් නම් ඕනතරම් ....කුණු වෙන්ඩ බීලා වැටෙන එක වීරකමක් වෙන, ලේ දීලා වැටෙන එක හින‍ා වෙන්ඩ කාරණාවක් වෙන මිනිස්සු තමයි දැන් ඉන්නේ.....එකත් ලේ දෙන එකෙක් කිව්ව නම් කමක් නෑ... සීන් එත අහපු ගමන් රූපේට ල පැන්නත් පස්සේ හිතුනේ උන්ගේ තියෙන මෝඩකම කියලා... කමක් නෑ..... ලබන පාරත් වැටෙන්ඩ හරි කියලා ලේ දෙනවා.....!!!.