Wednesday, November 12, 2014

සීයා ගැන පත්තරේත් ගියා..


ඉරිදා සුප්පලාගේ ගෙදර බණක්. සුප්පලාගේ ආච්චි කාලක්‍රියා කරලා අවුරුද්දක් වෙන එක සැමරුවා.උදේ ආව මැසේජ් එක නිසා රූපෙත් හවස 7 ට විතර අතාත් එක්ක ගියේ හොදට කන්ඩ බලාගෙන..යනකොට හාමුදුරුවෝ බණ කියනවා..බෙහෝම බැතිබර ව එතනින් මාරු වෙලා ඈතට ගිහින් සුප්පාත් එක්ක කතාවක් දාගෙන හිටියේ අනික් උන් එනකම්....

අතාගේ සීයාව මතක් වුණේ ආයේ හොදට කන්ඩ හම්බු වෙන්නේ සීයාගේ දානේ දවසට කියලා සුප්පා කිව්ව ම..එතකොට අතා පට්ට කතාවක් කිව්වා..

අතා   - අඩෝ අපේ සීයා ගැන පත්තරේත් ගියා..
රූපේ - මරණ දැන්වීම නේද?
අතා   - නෑ බන් ඊට කලින්
සුප්පා - මැරෙන්ඩ ලගයි කියලාද?
අතා   - නෑ හු******* අවුරුදු 2ට විතර කලින්
රූපේ - ඒ මොකටද?
අතා  - අර බණ්ඩාරනායක සීන් එකට

අතා කිව්ව විදියට බණ්ඩාරනායක මහත්තයාට වෙඩි වැදිච්චි වෙලාවේ ඔපරේෂන් එකට ගෙනාපු තියටරේ හිටපු ඇටේන්ඩන් තමා අතාගේ සීයා..අවුරුදු 2ට කලින් පත්තරේකින් ඇවිත් තියෙනවා අතාගේ සීයා ව හම්බු වෙන්ඩ ලිපියකට කරුණු හොයන්ඩ...ඒ වෙනකොට එදා හිටපු අයගෙන් ජිවතුන් අතර ඉදලා තියෙන්නේ අතාගේ සීයා විතරයි...අතා කිව්වේ ඔය ගැනයි...

අතාගේ සීයා ඒ කාලේ පට්ට පොරක්ව සිට ඇත...ඇදුම එහෙ මෙහෙ වෙච්චි කෙල්ලෙක්ගේ රූපයක් අතේ පච්ච කොටාගෙනත් තිබී ඇත..අතාට අනුව 98ත් ලස්සනට කුණුහරුප කීමේ හැකියාව නැති වී නැත...

සීයා අවුට් වෙන්ඩ මාස ගාණකට කලින් ගෙදර ආපු යාළු‍‍වෙක් ට සීයා ව පෙන්න්ඩ අතා එක්කන් ගොස් ඇත...

අතා- සීයේ..මේ සීයාව බලන්ඩ පත්තරෙන් ඇවිත්...
සීයා- පත්තරේ බිකද?

Sunday, November 9, 2014

සුභ උපන්දිනයක් !!! :-D

2013 නොවැම්බර් මාසේ අද වගේ දවසක තමා රූපේ චක්කරේ කරකවන්ඩ පටන් ගත්තේ..අදට හරියට ම අවුරුද්දක් වෙනවා...ඒ කියන්නේ අද චක්කරේ පලවෙනි බර්ත් ඩේ එක...




රූපේ A/L ක්ලාස් යන කාලේඉදලා තමා බ්ලොග් කියවන්ඩ පටන් ගත්තේ..හරියටම මතක නැති වුනත් මතක විදියට නම් කියවපු පලවැනි බ්ලෝග් එක ළාහිරු දහසක් දිලී... ඒකෙන් පටන් ගත්ත බ්ලෝග් කියවිල්ල වැඩි වුණේ Iceගේ කොලම ගියාට පස්සේ..ඒ Ice ලියපු කතාවක් රූපේට අම්බානකට හිතට ඇල්ලුවට පස්සේ...ඒ තමයි මහිම මන්දහාසි..ඊට පස්සේ රූපේ කියෙව්වේ කතන්දර,ටෑබූ,මාතලන්,රාජ්,සෑම් ලියපු ඒවා...රූපේ අවුරුද්දක් විතර බ්ලෝග් කියවන්නේක් වෙලා හිටියා..

ඊට පස්සේ තමා රූපේටත් හිතුනේ බ්ලොග් ඒකක් පටන් ගන්ඩ ඕනේ කියලා...ඉතින් හැමෝම වගේ Template , Layout එක්ක පැය ගාණක් දගලපු පැය ගාණකට පස්සේ කොහොමහරි යන්තම් මට ඔයා පබ්ලිෂ් කරලා දෙවියනේ කියලා බ්ලෝග් එක පටන් ගත්තා..එදා ඉදලා පුළු පුළුවන්  විදියට අහපු දැකපු ඒවා ලිව්වා..හොද වගේම නරකත් අහගත්තා..අවුරුද්දක් තිස්සේ අාපු මේ ගමනට සැහෙන්ඩ අය උදවු කලා..මාතලන්ගෙන් පටන් ගත්තම අපූර්වී දක්වාම හිටියේ අත දෙන මිනිස්සු..මේ විදියට උදව් කරපු හැමෝටම ස්තූතියි..

අදට අවුරුද්දක් වුණු චක්කරේට Happy Birthday! කියන ගමන් රූපේ එක්ක තව දිගටම කැරකෙන්ඩ සුභ පතනවා...!!




Thursday, November 6, 2014

දේශපාලනය කියන්නේ ගූ ගොඩක් :-(



දේශපාලනය කියන්නේ රූපේ කතා කරන්ඩ අකැමැති ම සබ්ජෙක්ට් එකක්.ඒත් ඒ ගැන ලියලා අනිත් අයගේ අදහස් දැන ගන්ඩ හිතුනේ රූපේගේ යාළුවෙකුත් එක්ක වුනු කතාවක් නිසයි.රූපේගේ උග්‍ර දේශපාලන විරෝධිකම මෝඩකමක් විදියටයි රූපේගේ යාළුවා දැක්කේ.ඩයල් එක සැහෙන්ඩ දේශපාලේනේට බැහැලා ඉන්න එකෙක්.පොර ඇමැති කෙනෙක්ට බැහැලා වැඩ.ඉතින් ඌ කියන විදියට දේශපාලනය කියන්නේ මහ පූජනීය දෙයක්.එත් රූපේට නම් දේශපාලනය කියන්නේ අසුචි වලක්..බැහැපු එකෙක් ගැවිච්චි ගැවිච්චි තැන ගද ගහන ගූ ගොඩක්..

"සියල්ලට පෙර තමා" කියන ආදර්ශ පාඨෙට අනුව ජිවත් වෙන දේශපාලුවෝ විතරයි ලංකාවේ ඉන්නේ.දේශපාලනය දැන් හැමදේකට ම අත දාලා...මිනිස්සු කන්තෝරු වල වැඩ කරන රජයේ සේවකයන්ට බනිනවා වැඩක් කරගන්ඩ බෑ කියලා..ඒවායින් බොහෝමයකට හේතුව දේශපාලනය තමා..පාරක් හැදුවොත් ඒක මාස 2න් 3න් ඉවරයි.ඒ කො‍න්ත්‍රාත්තුව ගන්ඩ දේශපාලුවන්ට සලකන්ඩ වෙනවා.පගා දීලා,සේවකයින්ට පඩි ගෙවලා,තමන්ගේ දරු පවුලත් නඩත්තු කරලා අඩුම ගානකට ටෙන්ඩරේත් දාලා පාර හදන්ඩ ගියාම ඒ මිනිහාට ඒක හරියට හදන්ඩ වත්කමක් නෑ..ඉතින් ඌත් බාගෙට හදලා ශේප් වෙනවා...

ටීවී එක බැලුවොත් ආණ්ඩු පක්ෂෙන් මේවා කලා මේවා කලා කියලා කෑගහනවා...විපක්ෂෙන් ඒවා එහෙම කලේ ඇයි කියලා කෑගහනවා..බලේ තියෙන උන් දිගටම බලේ ඉන්ඩ හදනවා..බලේ නැති උන් කෙහොම හරි බලේ ගන්ඩ හදනවා..ඕක තමයි දේශපාලන චක්කරේ..අපි වගේ මැද පන්තියේ මිනිස්සු තියෙන දෙයක් කාලා වෙන දෙයක් බලන් ඉන්නවා...

රූපේට දේශපාලනේ ගැන කිසිම දැනුමක් නෑ..ඒත් අර common sense වලට තේරේන දෙයක් තමා ඇමතිලා සැරින් සැරේ පිටරට ගිහින් සබදතා ශක්කිමත් කරගන්න එක..ගිහින් වාඩිවෙලා ඉංගිරිසියෙන් වචන ටිකක් කියලා අතට අත දෙන එක ෆෝටෝ ගැහුවම යාළුකම් අලුත් වෙනවාලු!! ඒක එහෙම නම් ඒ වැඩේට ම වෙනම කට්ටියක් පත් කරලා තිබ්බම ඉවරයි නේ?

ඊට හපන් අර මුල් ගල් තියෙන වැඩේ, මහ ලොකුවට උත්සව තියෙලා ගලක් බිම තියලා යනවා යන්ඩ...ඊට වඩා ඒවට යන සල්ලි වලින් තවත් හොදට ඒ වැඩේ කලා නම් හරි නේ? ප්‍රශ්නේ ඔවට දේශපාලනය ගැවෙන ඒකනේ? එතකොට ඕනේ කෑපී පෙනෙන්ඩයි සහ පෙනී සිටින්ඩයි! ඉතින් බදු සල්ලි නාස්ති කරලා Opening කරනවා...අනේ අනිච්චේ!!

රූපේ ගාවත් දැන් ගදේ බෑ! නාන්ඩ ම වෙනවා!!
දේශපාලනය ගැන කතා කලත් ගද ගහනවා!!!


Saturday, November 1, 2014

දැන් සතුටින් ඇති.....



අහලා අහලා අන්තිමට
නම අහගෙන ඇදේට
හිනා වෙලා ගියාම
ලැජ්ජා හිතෙන්ඩ ඇති....

ලියලා ලියලා හැමදාම
ලගම තියාගෙන හිටපු
‍පොතක් ඉල්ලපු දාක
නොදී ඉන්ඩ ඇති...

බැනලා බැනලා හැමදාම
ගස්ස ගෙන ගියපු  
දාක පෑව හිනාවකට
රවලා යන්ඩ ඇති....

බලලා බලලා දිගටම
පාඩම් කරගෙන ආපූ
වෙලාවක අහපු පැනයක්
තෝරලා දෙන්ඩ ඇති....

රැකලා රැකලා හිටියාට 
අසුරු සැනක් වුනු
මොහොතකට මල් හැගුමක්
හිතේ පිපෙන්ඩ ඇති...

පතලා පතලා පැතුවාට
වල් කෑළේක පිපුනු
ඒ පැතුම් මල
හුලගේ යන්ඩ ඇති....

වැටිලා වැටිලා රිදුනාට
හිතේ හයිය අරන්
දිගටම ගමන යන්ඩ
ආපහු නැගිටගන්ඩ ඇති....

කියලා කියලා උගන්නවපු
පින මතු පලදෙන්ඩ 
කවුරුන්හෝ ඔබේ නමින්
වලකින් ගොඩ යන්ඩ ඇති....

දුවලා දුවලා ආපුදාක
වයර් පටලෝගෙනම
චොකලට් වලින් පිරුණු
විසිඑක සමරන්ඩ ඇති....

තෝරලා තෝරලා අන්තිමට
විසදන්ඩ ආපු ප්‍රශ්නයකට
බය පිරුණු හිතකින්
ඇමතුමක් ගන්ඩ ඇති....

ඉදලා ඉදලා එකපාරට
කරදහි කොලයක ආපු
වචන ටිකක් හින්දා
හීන හැබෑවෙන්ඩ ඇති...

දුවලා දුවලා තෙහෙට්ටුවට
ඇවිදින බීපු වතුරකින්
ලැබු සවිය එක්ක
ඒ පිම්මේන් ගොඩයන්ඩ ඇති....

විදලා විදලා එල්ලෙකට
බඹා කෙටු කෙනාටම 
මේ පාර නම් 
මල්සරා විදින්ඩ ඇති....

පහුවුනු සසර පුරාවට
අත් අල්ලන් ආපු
සෙනෙහෙ හැගුමින්
හිත් බැදෙන්ඩ ඇති....

හොයලා හොයලා හෙව්වට
ලැ‍බෙන්නේ නැති වටින
මලක් ලගින් ඉන්ඩ
පින තියෙන්ඩ ඇති...

හිතලා හිතලා හොදටම
කල්පනා කරලා ගත්ත
පෙම් තිරණේ හින්දා
දැන් සතුටින් ඇති.....

කිසිදා දුකක් නොවනට
පෙමින් බැදුනු සිත්
අද හෙට නොව මතුවටත්
සතුටින් ඉදිනු ඇති....